މަޝްހޫރު ވިޔަފާރިވެރިޔާ އަޙްމަދު އާރިފް (ލޮޓަސް އާއްޓޭ) ޕީޕީއެމަށް ސޮއިކުރައްވައިފިއެވެ.

އާރިފް ޕީޕީއެމް އަށް ސޮއި ކުރައްވައި މެމްބަރޝިޕް ފޯމު ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުޙައްމަދު މުޢިއްޒަށް އަރުވައިފައިވަނީ ރޭ ދ ކުޑަހުވަދޫގައި ކުރިއަށް ދިޔަ ކެމްޕެނު ޖަލްސާގެ ތެރެއިންނެވެ.

އާރިފަކީ މާލޭގެ ފާހަގަކޮށްލެވޭ ބޮޑު ވިޔަފާރިއެއް ކަމަށްވާ ލޮޓަސް ކުންފުނީގެ ވެރިޔާއެވެ.

އާރިފް ޕީޕިއެމްގެ ޖަލްސާގައި ބައިވެރިވަނީ. ފޮޓޯ: ޕީޕީއެމް

ކުޑަހުވަދޫގައި ކުރިއަށް ދިޔަ ޖަލްސާގައި އާރިފްގެ އިތުރުން އެހެން ބަޔަކުވެސް ވަނީ ޕީޕީއެމާއި ގުޅިފައެވެ.

މިރޭ ޕީޕީއެމާއި ގުޅިވަޑައިގަތް އާރިފަކީ ވެރިކަން ކުރާ އެމްޑީޕީގެ ޒަމާންވީ މެމްބަރެކެވެ.

ޕީޕީއެމްގެ މެމްބަރޝިޕް ފޯމް ޑރ މުޢިއްޒުއަށް އެރުވުމަށް ފަހު އާރިފްވަނީ ޖަލްސާގައި ވާހަކަފުޅު ދައްކަވައިފައެވެ. އާރިފްގެ ވާހަކައިގައި ވަނީ ރައީސް ޞާލިޙާއި ސަރުކާރަށް ވަރަށް ބޮޑަށް ފާޑު ވިދާޅުވެފައެވެ.

އާރިފްވަނީ މީގެ ކުރިން އެމްޑީޕީގެ ޓިކެޓުގައި ރައްޔިތުންގެ މަޖިލީހަށް ވާދަކުރައްވައިފައެވެ.