ޕީޕީއެމް، ޕީއެންސީ ކޯލިޝަންގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުގެ ވެރިކަމެއްގައި ސުކޫލު ބޮޑު ޗުއްޓީ ކުރިން އޮތް ގޮތަށް އަހަރުގެ ފަހުކޮޅަށް ބަދަލުކޮށްދެއްވާނެކަަމަށް ވެވަޑައިގެންނެވި ވައުދާއި ގުޅިގެން ރިސޯޓް މުވައްޒަފުންގެ ހުރި ކަންބޮޑުވުންތައް ވެސް ހައްލު ކޮށްދެއްވާނެ ކަމަށް އެމަނިކުފާނު ވިދާޅުވެއްޖެއެވެ. 

ރިޔާސީ ކެމްޕެއިނަށް ދ. ކުޑަހުވަދުއަށް ވަޑައިގެން ރޭ އެރަށު ބޭއްވި ޖަލްސާގައި މުޢިއްޒު ވަނީ، 2025 ވަނަ އަހަރުން ފެށިގެން ސުކޫލު ބޮޑު ޗުއްޓީ ޑިސެމްބަރަށް ބަދަލުކުރައްވާނެ ކަނޑ މުޢިއްޒު ވަނީ އިއުލާން ކުރައްވައިފަ އެވެ. 

އެކަމާއި ގުޅިގެން ރިސޯޓު ތަކުގައި މަސައްކަތްކުރާ މުވައްޒަފުންގެ ކަންބޮޑުވުންތައް ލިބެމުންދާ ކަމަށް މުޢިއްޒު މިއަދު ކުރެއްވި ޓުވީޓެއްގައި ވަނީ ވިދާޅުވެފަ އެވެ.

"އަޅުގަނޑު މި ކަންބޮޑުވުމަށް ޙައްލު ގެނެސްދޭނަަން. ތަފްސީލް މިރޭ ފ.ނިލަންދޫގައި އޮންނަ ޖަލްސާގައި ހާމަކުރާނަން އިންޝާ الله" މުޢިއްޒު ވިދާޅުވިއެވެ. 

ރޭ ބޭއްވި ޖަލްސާގައި  މުޢިއްޒު ވިދާޅުވީ ސްކޫލްތަކުގެ ބޮޑުޗުއްޓީ އަހަރުގެ މެދުތެރެއަށް ބަދަލުކުރުމަކީ ރައްޔިތުން ބޭނުންވާ ގޮތަށް ނުބަލައި މި ސަރުކާރުން ކޮށްފައިވާ ކަމެއްކަމަށެވެ.

"މި ސަރުކާރުން ސްކޫލު ބަންދު ބަންދު ގެނައުމުން ހުޅަނގު މޫސުމުގެ އެންމެ ނުބައި ދުވަސްވަރަށް މި ބަދަލުވަނީ. އެ ބަދަލުގެ ސަބަބުން ބޮޑު ބަންދުގެ ބޭނުމެއް ނުހިފޭ. އާއިލާތަކަށް އޭގެ ބޭނުމެއް ނުހިފޭ. އޭގެ ސަބަބުން ބަންދުގެ ބޮޑު ބައެއް ގެއްލޭ. މިނިވަން ދުވަހުގެ ކުޅިވަރުގައި ބައިވެރިވާ ހުރިހާ ކުދިން މަޑުކުރަން ޖެހޭ" މުޢިއްޒު ވިދާޅުވިއެވެ. 

މީގެ ކުރިން ނޮވެމްބަރު މަހާއި ޑިސެމްބަރު މަހު ބޮޑު ޗުއްޓީ އޮންނަ އޮތުން ބަދަލުކޮށް، އަހަރުގެ މެދުތެރެއަށް ބޮޑު ޗުއްޓީ ހަމަޖައްސައި ސުކޫލުތަކުގެ ދިރާސީ އަހަރު ފެށުން މީލާދީ އަހަރުގެ މެދުތެރެއަށް ބަދަލުކޮށްފައިވަނީ 2021 ވަނަ އަހަރުއެވެ. އެހެންނަމަވެސް އެގޮތަށް ބަދަލު ކުރުމުން، ބޮޑު ޗުއްޓީއަށް މޫސުން ގޯސްވުމާ ގުޅިގެން ބޮޑު ބަންދުގައި ވެސް އެއްވެސް ތަނަކަށް ދަތުރުނުކުރެވި އާއިލާތަކަށް އެއްކޮށް މަޖާކޮށްލުމުގެ ފުރުސަތު ނުލިބޭ ކަމުގެ ޝަކުވާ ބެލެނިވެރިން ކުރެއެވެ.