މުޅި ރާއްޖެ ފެރީގެ ނިޒާމުން ގުޅައިލުމުގެ ގޮތުން އެމްޓީސީސީން ހިންގާ ރާއްޖެ ޓްރާންސްޕޯޓް ލިންކް (އާރްޓީއެލް) ނިޒާމުގެ ދަށުން އައްޑުއާއި ފުވައްމުލަކު ސިޓީއަށް ފެރީގެ ޚިދުމަތްތައް މިއަދު ފަށައިފިއެވެ.

މިއަދު މި ދެ އަތޮޅުގައި ފެށި ފެރީގެ ޚިދުމަތް މިމަހުގެ 24 ގެ ނިޔަލަށް ހިލޭ ލިބިގެންދާނެ ކަމުގައި ނި ޚިދުމަތް ފޯރުކޮށްދޭ އެމްޓީސީސީން ބުނެއެވެ. 

މީގެ އިތުރުން ގއ. އަދި ގދ. އަތޮޅާއި އައްޑުއާއި ފުވައްމުލައް ދެމެދު ދަތުރުތައް ކުރެވޭހެން ހައިވޭ ލިންކެއް ވެސް ގާއިމްކޮށްފައިވާކަމަށާއި ފުރަތަމަކޮޅު ދަތުރުތައް ހިލޭކުރުމުގެ މައިގަނޑު ބޭނުމަކީ ފެރީގެ ޝެޑިއުލަށް ރައްޔިތުން އަހުލުވެރިކުރުވުމާއި މި ޚިދުމަތް ރަނގަޅަށް ތަޖުރިބާކުރުމުގެ ފުރުސަތު ރައްޔިތުންނަށް ދިނުންކަމަށް ވެސް އެމްޓީސީސީން ބުނެއެވެ. 

Advertisement

އެމްޓީސީސީން ބުނީ ހިލޭ ދަތުރުތަކަށް ފެރީން ޖާގަ ހޯދޭނީ އެ ރަށެއްގެ ކައުންސިލް މެދުވެރިކޮށް ބުކްކޮށްގެން ކަމަށެވެ. އަދި 24 ވަނަ ދުވަހުގެ ފަހުން ފެރީ ޚިދުމަތުން އަގު ނެގޭނެ ކަމަށާއި އެހާ ހިސާބުން ކައުންސިލް މެދުވެރިކޮށް ބުކް ކުރުމުގެ ފުރުސަތު ބަންދުވާނެ ކަނަށް އެމްޓީސީސީން ބުނެއެވެ. އޭގެ ފަހުން ދަތުރު ބުކްކުރެވޭނީ އާރްޓީއެލް ޓްރެވަލް އެޕް ނުވަތަ ވެބްސައިޓް މެދުވެރިކޮށްކަމަށް އެމްޓީސީސީން މައުލޫމާތު ދެއެެވެ.