މިދުވަސްވަރަކީ ހޫނި ގަދަ ދުވަސްވަރެއް ކަމުން ހޫނުން ރައްކާތެރި ވުމަށް ހެލްތް ޕްރޮޓެކްޝަން އޭޖެންސީ އިރުޝާދުދީފިއެވެ.

އެޗްޕީއޭ އިން ބުނެފައިވަނީ ހޫނުގަދަވުމުގެ ސަބަބުން ބައެއް ސިއްޚީ މައްސަލަތައް ދިމާވެދާނެ ކަމަށެވެ.

އޭގެ ތެރޭގައި ބޮލުގައި ރިއްސާ ބޯ އެނބުރުމާއި، ވަރުދެރަވުން، އަކުނިވަޔަށް ދެމުން، ލޮލަށްގެއްލުން ލިބުން އަދި ހަންގަނދު އެނދުމުގެ ސަބަބުން ހަންގަނޑު ރަތްވެ ހަންފޮޅުން ފަދަ ކަންކަން ހިމެނޭ ކަމަށް އެޗްޕީއޭ އިން ބުނެފައިވެއެވެ.

Advertisement

މީގެ އިތުރުން ހަށިގަނޑުގައި ފެންމަދުވުމުގެ ސަބަބުން ކުޑަކަމުދެވޭ މިންވަރު މަދުވެ ކުޑަކަމުދާއިރު ކުލަ ގަދަކޮށް ހުރުމަކީވެސް ދިމާވެދާނެ ކަމެއް ކަމަށް އެޗްޕީއޭއިން ބުނެއެވެ.

އެޗްޕީއޭ އިން ބުނީ މިކަންކަމުން ރައްކާތެރި ވުމަށްޓަކައި އަވީގައި އުޅޭއިރު ކުޑަ ބޭނުންކުރުން، ކުލަ މަޑު، ހަށިގަނޑު ނިވާވާ ފަދަ ދޫ ހެދުން ލުން، ބޮޑަށް ހިޔާވާފަދަ ތޮފި ބޭނުން ކުރުން އަދި ގިނަވަގުތު އަވީގައި އުޅޭނަމަ އެސްޕީއެފް-15 އަށްވުރެ މަތީގެ ސަންސްކްރީން ލޯޝަން ބެނުންކުރެވިދާނެ ކަމަށެވެ.

މީގެއިތުރުން ހަށިގަނޑުން ފެންމަދުވިޔަ ނުދިނުމަށް ކަރު ނުހިއްކިނަމަވެސް ގިނަގިނައިން ފެން ބުއިމާއި، ޔޫވީ ރޭޑިއޭޝަން ފިލްޓަރ ކޮށްދޭފަދަ އަވިއައިނެއް ބޭނުން ކުރުން އަދި ހަށިގަނޑުން ފެންބޭރުވިޔަ ނުދިނުމަށް ގިނައިން ހަކުރު ހުރި ބުއިންތައް ބޭނުންނުކުރުމަށް އެޗްޕީއޭއިން އިލްތިމާސް ކޮށްފައިވެއެވެ.