ޑިމްކޮރެޓްސްގެ ވެރިކަމެއްގައި ތުޅާދޫގައި އެއަރޕޯޓެއް އަޅައިދޭނެކަމަށް ޑިމޮކްރެޓްސްގެ ރަނިންގމޭޓް ހުސެއިން ޢަމްރު ވިދާޅުވެއްޖެއެވެ.

ޢަމްރު މިހެން ވިދާޅުވީ ރިޔާސީ ކެމްޕޭނަށް ބ އަތޮޅަށް ކުރައްވަމުންގެންދަވާ ދަތުރުފުޅުގައި އެއަތޮޅު ތުޅާދޫއަށް ވަޑައިގެން އެރަށުގައި ހުންނަވައިގެން ވާހަކަ ދައްކަވަމުންނެވެ.

ޢަމްރު ވިދާޅުވީ ތުޅާދޫ އަކީ 3000 މީހުންގެ އާބާދީއެއް އޮންނަ ރަށެއް ކަމަށާއި އެންމެ ކައިރީގައި ވެސް އޮންނަނީ ދަރަވަންދޫ އެއަރޕޯޓު ކަމަށެވެ. އެތަނުން ފުރައިގެން މާލެ އަށް ދާންވިޔަސް ދަރަވަންދުއަށް ދާން ސްޕީޑް ބޯޓެއްގައި 45 މިނިޓް ނަގާކަމަށެވެ. އަދި އެއީ މޫސުން އެންމެ ރީތި ދުވަހެއްގައި ނަމަ 1000 ރުފިޔާ ކަމަށާއި އެއަގު 5000 އަށް އަރާ ފަހަރުވެސް ދާ ކަމަށް ޢަމްރު ވިދާޅުވިއެވެ.

މީގެ އިތުރުން ޢަމްރު ވިދާޅުވީ އަނގަމަތި ޑިންގީ އެއްގައި ދާކަމަށްވާނަމަ 1200 އެއްހާރުފިޔާ ދަރަވަންދުއަށް ދާން ނަނގާ ކަމަށެވެ.

"ތުޅާދޫ އަށް ވަރަށް މުހިންމު އެއްޗެއް އަސްލު އެއަރޕޯޓަކީ، އިރާދަކުރެއްވިއްޔާ އަޅުގަނޑުމެންގެ ސަރުކާރެއްގައި ތުޅާދޫގައި އެންމެ ފުރަތަމަ ކުރާނެ ކަމަކީވެސް ތުޅާދޫގައި އެއަރޕޯޓެއްގެ މަސައްކަތް ފެށުން" ޢަމްރު ވިދާޅުވިއެވެ.

 ދަ ޑިމޮކްރެޓްސް ކެމްޕެއިންގައި ބ އަތޮޅުގެ ރަށްތަކަށް ޢަމްރު ޒިޔާރަތްކުރައްވަމުން ދާއިރު އެދަތުރު ފެއްޓެވީ ބ ކިހާދޫއިން ނެވެ. އެދަތުރުގައި ޢަމްރު އާއި އެކު ޑިމޮކްރެޓްސްގެ އިސް ލީޑަރ އަދި ގަލޮޅު ދެކުނު ދާއިރާގެ މެމްބަރު އީވާ އަބްދުالله ވެސް ދަނީ ބައިވެރިވެވަޑައި ގަންނަވަމުންނެވެ.