ޅ ނައިފަރު ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫޢު ސަރުކާރުން އެމްޓީސީސީ އާއި ހަވާލުކޮށް އެކަމުގެ އެއްބަސްވުމުގައި ސޮއިކޮށްފިއެވެ.
މި ދެ މަޝްރޫޢު އެމްޓީސީސީއާއި ހަވާލުކުރުމަށް މިނިސްޓްރީ އޮފް ނެޝަނަލް ޕްލޭނިން، ހައުސިންގް އެންޑް އިންފްރާސްޓްރަކްޗަރ ގައި އޮތް ރަސްމިއްޔާތުގައި އެމްޓީސީސީގެ ފަރާތުން އެއްބަސްވުމުގައި ސޮއިކުރެއްވީ، އެކުންފުނީގެ ޗޯފް އޮޕަރޭޓިން އޮފިސަރ އަލްފާޟިލް ޝާހިދު ހުސައިން މޫސާއެވެ. ޕްލޭނިން މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ، ޑިރެކްޓަރ ޖެނެރަލް އަލްފާޟިލާ ފާތިމަތު ސަނާ ފާރޫޤެވެ.
މިއަދު ސޮއިކުރެވުނު މި ދެ މަޝްރޫޢުގެ ދަށުން 20.95 ހެކްޓަރުގެ ސަރަހައްދެއްގެ ބިން ހިއްކުމާއި، 359 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި, 1600 މީޓަރުގެ ލޯ ކްރެސްޓެޑް ބޭރު ތޮށްޓެއް ލުމުގެ އިތުރުން, 180 މީޓަރުގެ ސަރަހައްދެއްގައި ބްރެއިން ހަރުކުރުމުގެ މަސައްކަތަށް ހިމެނެއެވެ.
މި ދެ މަޝްރޫޢުކީ 141.29 މިލިއަން ރުފިޔާ ޚަރަދުކޮށްގެން 330 ދުވަހުގެ ތެރޭގައި މަސައްކަތް ނިންމާ ހަވާލުކުރާގޮތަށް އެމްޓީސީސީއާއީ ހަވާލުކުރެވުނު ދެ މަޝްރޫއެވެ.
Advertisement
This content is created and paid for by advertisers and does not involve Voice Journalists
