އެމްޑީޕީގެ ވަރަށް ޚާއްސަ ކެމްޕޭނު އިވެންޓެއް މާދަމާރޭ ބާއްވަން ހަމަޖެހިފައިވާ ކަމަށް އެޕާޓީއިން ބުނެފިއެވެ.

އެޕާޓީއިން ބުނީ މި އިވެންޓް ބޭއްވުމަށް ހަމަޖެހިފައިވަނީ ސޯޝަލް ސެންޓަރުގައި ކަމަށެވެ. އަދި އިވެންޓް އޮންނާނީ މިރޭ 8:00 ގައި ކަމަށްވެސް އެޕާޓީއިން ބުނެފައިވެއެވެ.

އެމްޑީޕީ އިން ބުނީ މި އިވެންޓަކީ އެމްޑީޕީ އިން ޢާންމުކޮށް ބާއްވާ ޖަލްސާތަކާއީ  އެހެނިހެން ސިޔާސީ ހަރަކާތްތަކާއި މުޅިން ތަފާތުކޮށް މުޅިން އައު ކޮންސެޕްޓަކަށް ބާއްވާ އިވެންޓެއް ކަމަށެވެ. އެމްޑީޕީ އިން ބުނީ މާދަމާ ރޭ  ބާއްވާ މިހަރަކާތަކީ ވެސް ރާއްޖޭގެ ސިޔާސީ ހަރަކާތަކަށް އެމްޑީޕީ އިން އަލަށް ތަޢާރަފްކުރާ ކަމެއްކަމަށެވެ. 

ބުރާސްފަތި ދުވަހުގެ ރޭ ބާއްވާ މި އިވެންޓުގައި އެމްޑީޕީގެ މެނިފެސްޓޯގެ އެންމެ ފަހު ބައި އިޢުލާނު ކުރެވިގެންދާނެ ކަމަށްވެސް އެޕާޓީއިން ބުނެފައިވެއެވެ.

މި އިވެންޓުގައި އެމްޑީޕީ ކޯލިޝަންގެ ރިޔާސީ ކެންޑިޑޭޓް އަދި ރާއްޖޭގެ ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ބައިވެރިވެވަޑައިގަންނަވާނެއެވެ.

އެމްޑީޕީ އަކީ ރާއްޖޭގައި އެންމެ ފުރަތަމަ ރަޖިސްޓްރީ ކުރެވުނު ސިޔާސީ ޕާޓީއެވެ. އެޕާޓީ އުފެދުނު ފަހުން ބާއްވާ ކޮންމެ ރިޔާސީ އިންތިޚާބެއްގައިވެސް އެޕާޓީ އިން ދަނީ ވާދަކުރަމުންނެވެ. އެޕާޓީއިން އެންމެ ފުރަތަމަ ރާއްޖޭގެ ރައީސް ކަމަށް ވާދަކުރެއްވީ ކުރީގެ ރައީސް މުޙައްމަދު ނަޝީދެވެ. އެއީ 2008 ވަނަ އަހަރު ބޭއްވުނު ރިޔާސީ އިންތިޚާބެވެ. އެއިންތިޚާބުގައި އެމްޑީޕީ ވެރިކަމަށް އިންތިޚާބުވީ ދެވަނަ ބުރަކަށް ގޮސް ގިނަ ޕާޓީތަކެެއް ހިމެނޭ ކޯލިޝަނަކުންނެވެ.