މިއިންތިޚާބު ދެވަނަ ބުރަކަށް ދިޔުމަށް އިންތިޒާރު ކުރުމަކީ ނެތް ކަމެއް ކަމަށް ޢަދާލަތު ޕާޓީގެ ރައީސް އަދި ދާޚިލީ ވަޒީރު ޢިމްރާން އަބްދުالله ވިދާޅުވެއްޖެއެވެ.
ޢިމްރާން މިހެން ވިދާޅުވީ ރޭ ރ.ދުވާފަރުގައި ބޭއްވި ކެމްޕޭނު ޖަލްސާގައި ވާހަކަފުޅު ދައްކަވަމުންނެވެ.
"الله ސުބްޙާނަހޫ ވަތަޢާލާގެ މިންވަރުފުޅާއި ވާގިފުޅުން މިއިންތިޚާބު ދެވަނަ ބުރަކަށް ދިޔުމަށް އިންތިޒާރު ކުރުމަކީ ނެތްކަމެއް، ރައީސް ޞާލިޙް އެއްބުރުން ކާމިޔާބު ކުރަން ޖެހޭ ސަބަބު މިރަށްތަކުގެ ރައްޔިތުންނަށް ވަރަށް ސާފުކޮށް އެނގޭ، މިއިން ކޮންމެ ރަށަކަށް އެރޭއިރު ރައީސުލް ޖުމްހޫރިއްޔާއާއި ސަލާންކޮށްލާ ކުޑަ ކުއްޖާގެ އިޙްސާސުން އޭނަ އެދޭ އެދުން، ޢުމުރުން ދުވަސްވީ އަޅުގަނޑުމެންގެ އިސްރަށްވެހިންގެ ސަލާންކޮށްލުމާއި ލޯބިން ފިރުމާލުމުން ރަށްތަކުގައި ކޮށްދެވިފައިވާ އިޚްލާސްތެރި މަސައްކަތްތަކުން، މިހުރިހާ ކަމަކީ މިރައްޔިތުން ވަރަށް ހެޔޮހިތުން ލޯބިން ސެޕްޓެމްބަރ 9ވަނަ ދުވަހު ތިންވަނަ ނަމްބަރަށް ހެޔޮފާހަގަ ޖަހާލަދޭނެ މުހިންމު ސަބަބެއް" ޢިމްރާން ވިދާޅުވިއެވެ.
ޢިމްރާން ވިދާޅުވީ އެމްޑީޕީގެ ސިޔާސަތަކީ ރައްޔިތުންނަށް ހެޔޮ ވެރިކަމެއް ކޮށްދިނުން ކަމަށާއި ޢަދާލަތު ޕާޓީގެ ވެސް ސިޔާސަތަކީ ރައްޔިތުންނަށް ހެޔޮވެރިކަމެއް ކޮށްދިނުން ކަމަށެވެ.
"މިވޭތުވެދިޔަ އެތައް އަހަރެއްގައި ޢަދާލަތު ޕާޓީއާއި އެމްޑީޕީއާއި ދެމެދުގަ ފަލްސަފީ ބައެއް ކަހަލަ ނުވަތަ ބައެއް ކަހަލަ ސިޔާސީ ތަފާތުތައް ހުރިނަމަވެސް މިވޭތުވެދިޔަ އެތައް އަހަރެއްގެ ތެރޭގައި މިދެޕާޓީ އެއްކޮށް މަސައްކަތް ކުރަމުން މިދަނީ އިތުރަށް ހެޔޮވެރިކަން ކޮށްދިނުމުގެ ސިޔާސަތެއް ވަރަށް ސާބިތުކޮށް ދެޕާޓީގައި އޮތީތީ"
ދާޚިލީ ވަޒީރު ޢިމްރާން އަބްދުالله
ޢިމްރާން ވިދާޅުވީނ އެމްޑީޕީ އާއި ޢަދާލަތު އަދި އެމްޑީއޭ އެކުވެގެން ކުރިއަށް އޮތް ތަނުގައި ވެސް ކޮށްދޭނީ ރައްޔިތުން އެދޭފަދަ ހެޔޮވެރިކަމެއް ކަމަށެވެ.
ދުވާފަރުގައި ރޭ ޖަލްސާ ބޭއްވުމަށް ފަހު މިއަދު ހެނދުނު ރައީސް ޞާލިޙާއި ޓީމުން މިއަދު ވަނީ ރ.އިނގުރައިދުއަށް ވަޑައިގެންފައެވެ.
Advertisement
This content is created and paid for by advertisers and does not involve Voice Journalists
