ސަރުކާރުން ދޫކުރާ ގޯތިތައް ސަރުކާރުން ބޭނުންވެއްޖެ ހިނދެއްގައި ވަކި ވުޒާރާއަކުން ދެވޭ ގޮތަށް ބަންޑާރަ ގޯއްޗާއި، އަމިއްލަ ގޯއްޗާއި، އެފަދަ ގޯތީގައި ހަދާ އިމާރާތް ރަޖިސްޓަރީކުރުމާބެހޭ ގަވާއިދު އިސްލާހުކޮށްފި އެވެ.
ޕްލޭނިންގ މިނިސްޓްރީން އިއްޔެ ކުރި އިއުލާނެއްގައި ބުނީ، ބަންޑާރަ ގޯއްޗާއި، އަމިއްލަ ގޯއްޗާއި، އެފަދަ ގޯތީގައި ހަދާ އިމާރާތުގެ ރަޖިސްޓަރީ ދޫކުރާ އިދާރާއަކީ ސިޓީއެއްގައި ނަމަ، އެ ސިޓީއެއްގެ ސިޓީ ކައުންސިލުގައި ނުވަތަ އެ ސިޓީއެއްގެ ބިންތަކުގެ ރަޖިސްޓަރީގެ ކަންކަން އެ އިރެއްގައި ބަލަހައްޓަމުން އަންނަ އިދާރާއެއްގައި ނުވަތަ ސަރުކާރުން ވަކި ސަރަހައްދެއް ތަރައްގީކުރުމަށް ކުރިޔަށްގެންދާ ގޯތި ދިނުމުގެ މަޝްރޫއުތަކުގެ ދަށުން ގޯތި ދޫކުރުމަށް ސަރުކާރުން ކަނޑައަޅާ އިދާރާއެކެވެ.
މީގެ އިތުރުން ގަވާއިދަށް ގެނައި އިސްލާހުތަކުގެ ތެރޭގައި ރަޖިސްޓަރީގައި ހިމަނަންޖެހޭ މައުލޫމާތާއި ރަޖިސްޓަރީ ގެއްލިގެން އަލުން ހެދުމަށް ހުށަހެޅުމުގައި އަމަލުކުރަންޖެހޭ ގޮތް ހިމަނާފައިވެ އެވެ.
ޕްލޭނިންގ މިނިސްޓްރީން މިފަދަ ގޮތަކަށް މި ގަވާއިދު އިސްލާހު ކޮށްފައި މިވަނީ މާލޭ ރައްޔިތުންނަށް ގޯތި ދޫކުރުމަށް ސަރުކާރުން ނިންމާ ބިން ހިއްކުމުގެ މަސައްކަތް ބާރަށް ކުރަމުންދާ ދަނޑިވަޅެއްގައި ކަން ފާހަގަކޮށްލަންޖެހެއެވެ.
Advertisement
This content is created and paid for by advertisers and does not involve Voice Journalists
