އިންޓަނޭޝަނަލް އެއިޑް ކެންޕެއިން، އައިއޭސީން، ދެމުންދާ ޚިދުމަތްތަކަށް އިތުރަށް ފުރިހަމަކުރުމަށް، މެލޭޝިއަން ކޮންސަލްޓޭޓިވް ކައުންސިލް އޮފް އިސްލާމިކު އޯގަނައިޒޭޝަން، މެޕިމް، އާއި އެކު އެއްބަސްވުމެއްގައި ސޮއިކޮށްފިއެވެ.
މެޕިމް އަކީ އިންސާނީ އެހީތެރިކަން ފޯރުކޮށްދިނުމަށް މެލޭޝިޔާގެ އިތުރުން ބައިނަލްއަގުވާމީ މުޖުތަމައުގައިވެސް ހަރަކާތްތެރިވަމުން އަންނަ ޖަމިއްޔާއެކެވެ.
މެޕިމް އާއި އެކު އެއްބަސްވުމުގައި ސޮއިކުރުމުގެ ރަސްމިއްޔާތުގެ ތެރެއިން--ފޮޓޯ/ ވޮއިސް
މެޕިމް އާއި އެކު ވެވުނު އެއްބަސްވުމާއި ގުޅޭގޮތުން 'ވޮއިސް' އަށް މައުލޫމާތު ދެއްވަމުން އައިއޭސީގެ ޗެއާމަން އަހުމަދު އިގުބާލް ވިދާޅުވީ، އެ ޖަމިއްޔާއިން ޕާޓުނަރުންގެ ގޮތުގައި ޚިޔާރު ކުރާއިރު ބަލަނީ އެންމެ، އަވަސް ކަމާއި، އިތުބާރާއި އެކު ދެފުށް ފެންނާނޭ ހެން، މަސައްކަތް ކުރާ އަދި ނަތީޖާނެރޭ ޖަމިއްޔާ ތަކަށް ކަމަށެވެ.
އެގޮތުން ބަލާއިރު، މެޕިމް އަކީ، މިހުރިހާ ކަމެއްވެސް ގާތްގަނޑަކަށް ހަމަވާ އޯގަނައިޒޭޝަން އެއް. އެކްސްޕީރިއަންސް ގޮތުން ބަލާއިރުވެސް ވަރަށް އަވަހަށް ޑެލިވާ ކުރާނެ. ވަރަށް ސްޓްރޯންގެ ވާނެ އެމީހުން އެކްޓިވް އޭރިއާސް ތަކުގައި.
އަހުމަދު އިގްބާލު
އިގްބާލު ވިދާޅުވީ، އައިއޭސީން މިހާރު ކުރަމުންދާ މަސައްކަތަކީ، ވަކިވަކި ފަރުދުންނަށް ވަކި ޚިދުމަތްތަކެއް ކޮށްދިނުމުގެ ބަދަލުގައި، މުޅި މުޖުތަމައަށް އަމާޒުކޮށް، މުޖުތަމަޢު ގައި ދިރިއުޅޭ އެންމެނަށްވެސް ބޭނުންވާ ޚިދުމަތްތައް ފޯރުކޮށްދިނުމަށް ކަމަށެވެ. އެގޮތުން ދިވެހިންގެ އެހީގައި ލިބިފައިވާ ފައިސާއިން، މެޕިމް އިން ސީރިޔާގައި ހެދުމަށް އިއުލާން ކޮށްފައިވާ، މޮޑެލް ވިލެޖު ހެދުމަށް އެހީތެރިކަން ދިނުމަށް ނިންމާފައިވާ ކަމަށް އިގްބާލް ވިދާޅުވި އެވެ.
މެޕިމް އާއި އެކު އެއްބަސްވުމުގައި ސޮއިކުރުމުގެ ރަސްމިއްޔާތުގެ ތެރެއިން--ފޮޓޯ/ ވޮއިސް
އައިއޭސީގެ އަމާޒަކީ ދުނިޔޭގެ ކަންކޮޅު ތަކުގައިވެސް، ހަމަޖެހޭ އަމާން މުޖުތަމަޢެއް ގައި ފުދުންތެރި ރައްޔިތުންތަކެއް ދިރިއުޅެމުންދާ ތަން ދެކުން ކަމަށް އިގްބާލް ވަނީ ވިދާޅުވެފަ އެވެ.
އިގްބާލް އިތުރުން، އައިއޭސީއާއި އެކު ވެވުނު އެއްބަސްވުމާއި ގުޅިގެން މެޕިމްގެ ފަރާތުން ވާހަކަދައްކަވަމުން ޑރ. ސާނީ ވިދާޅުވީ، އައިއޭސީ އާއި ވެވުނު އެއްބަސްވުމާއިއެކު، ދެ ޖަމިއްޔާއިން އެކުގައި ކުރަމުންދިޔަ މަސައްކަތް ފުޅާވެ، އިސްލާމީ އުއްމަތުގައި ދިރިއުޅެމުންދާ ފަގީރު ނިކަމެތިންނަށް ގިނަ ގޮތްގޮތުން އެހީތެރިކަން ފޯރުކޮށްދެވިގެންދާނެ ކަމަށެވެ.
މެޕިމް އާއި އެކު އެއްބަސްވުމުގައި ސޮއިކުރުމުގެ ރަސްމިއްޔާތުގެ ތެރެއިން--ފޮޓޯ/ ވޮއިސް
އެގޮތުން، އިގްތިސާދީ ގޮތުންނާއި، ތައުލީމީ ގޮތުންނާއި، އަންހެނުން ބާރުވެރި ކުރުވުން ފަފަ ދާއިރާތަކުން އިސްލާމީ މުޖުތަމައުއަށް އެހީތެރިކަން ފޯރުކޮށްދެވޭނެ ކަމަށެވެ. އަދި މިއީ ބުރަ، ދިގު މުއްދަތެއް ނަގާނެ ކަމެެއް ނަމަވެސް، ކުރިއަށް ގެންދަވާނެ ކަމަށް އޭނާ ވިދާޅުވި އެވެ.
Advertisement
This content is created and paid for by advertisers and does not involve Voice Journalists
