އިޤްތިޞާދު ދެގުނަ ކުރުމުގެ ޤާބިލިއްޔަތު ރައީސް ޞާލިޙްގެ އެބަހުރި: ސިޔާމް
ރާއްޖޭގެ އިޤްތިޞާދު ދެގުނަ ކުރުމުގެ ޤާބިލިއްޔަތުކަން ރައީސް އިބްރާހިމް މުޙައްމަދު ޞާލިޙްގެ އެބަހުރި ކަމަށް ދ މީދޫ ދާއިރާގެ މެމްބަރު އަދި އެމްޑީއޭގެ ރައީށް އަހްމަދު ސިޔާމް މުޙައްމަދު ވިދާޅުވެއްޖެއެވެ.
ސިޔާމް މިހެން ވިދާޅުވީ ރޭ ލަގަމުގައި ބޭއްވުނު އެމްޑީޕީ ކޯލިޝަންގެ ކެމްޕޭނު ޖަލްސާގައި ވާހަކަދައްކަވަމުންނެވެ.
"ރައީސް ޞާލިޙްގެ އެންމެ ބޮޑު އަމާޒަކީ ރާއްޖޭގެ އިޤްތިޞާދު ދެގުނަ ތިންގުނައަށް ޖައްސާލުން، މިކަން ކުރެއްވުމުގެ ލިޔާޤަތާއި ޤާބިލިއްޔަތު އަދި ހުނަރުވެރިކަން އެބަހުރި އަޅުގަނޑުމެންގެ"
އަޙްމަދު ސިޔާމް މުޙައްމަދު
ސިޔާމް ވިދާޅުވީ މިދިޔަ 40 އަހަރު މާލޭގެ ރައްޔިތުން އުޅެމުންދިޔައީ ވަރަށް ޙާޅުގައި ކަމަށާއި މާލޭގައި އުޅޭ ރާއްޖެތެރޭގެ ރައްޔިތުންވެސް އުޅެމުންދިޔައީ ވަރަށް ޙާލުގައި ކަމަށެވެ.
"އަޅުގަނދުމެންގެ އޯގާތެރި ރައީސުލް ޖުމްހޫރިއްޔާ ނިންމެވީ މާލޭގެ ހުރިހާ ރައްޔިތުންނަށް ގޯތި ކަނޑާ އިން ވަކިކޮށްދޭން، ނިންމުމާއި އެއްކޮށް އިދިކޮޅު ބޭފުޅުން ވިދާޅުވީ ތިކަމެއްނުވާނެޔޭ، މިއަދު އެޔޮތީ މާލޭގެ ރައްޔިތުންނަށް ބިން ވަކިކޮށް ކަނޑާ އަދި ރަޖިސްޓްރީ ކޮށްދެއްވާފަ"
އަޙްމަދު ސިޔާމް މުޙައްމަދު
ސިޔާމް އިތުރަށް ވިދާޅުވީ ރައީސް ޞާލިޙް ހަމައެކަނި ބިމެއް ދެއްވީ ނޫން ކަމަށާއި އެމަނިކުފާނުގެ ޕްލޭންގައި އޮތީ ބިން ލިބުނު ފަރާތްތަކަށް ދިގު މުއްދަތަކުން ދައްކާ ނިމޭ ގޮތައް އަރަނި ދޫކުރާގޮތައް ކަމަށެވެ.
ލ.އަތޮޅަށް ކުރައްވަމުން ގެންދަވާ ކެމްޕޭނު ދަތުރުފުޅުގައި މިއަދުވެސް އެއަތޮޅުގެ ބައެއް ރަށްރަށަށް ދަނީ ވަޑައިގަންނަވަމުންނެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
