މޫސުން ގޯސްވެ، މެދުރާއްޖެތެރޭގެ ބައެއް އަތޮޅުތަކަށް ރީނދޫ ސަމާލު ނެރެފިއެވެ.

މޫސުމާއި ބެހޭ އިދާރާ (މެޓް) އޮފީހުން ރީނދޫ ސަމާލު ނެރެފައި ވަނީ، ކ އަތޮޅުން ފެށިގެން މ އަތޮޅާއި ހަމައަށެވެ. އެ ސަރަހައްދަށް ރީނދޫ ސަމާލު ނެރެފައި ވަނީ، މިއަދު މެންދުރު 2:15 އިން ހަވީރު 4:15 އަށެވެ. 

މެޓް އޮފީހުން ވަނީ، އެވަގުތު ތަކުގައި އެ ސަރަހައްދަށް ބޯކޮށް ވާރޭހޭނެ ކަމަށް ލަފާކޮށްފައެވެ.

Advertisement

މިއަދުގެ އިރުއޮއްސި 6:00 ގެ ނިޔަލަށް މޫސުން ކުރިއަށް ލަފާކޮށް މެޓް އޮފީހުން ބުނީ، ރާއްޖޭގެ އެކިހިސާބަށް ވިއްސާރަ ކުރާނެ ކަމަށާއި އަދި ބައެއް ސަރަހައްދު ތަކަށް ގުގުރުމާއެކު ބޯކޮށް ވާރެ ވެހޭނެ ކަމަށެވެ.

ރާއްޖޭގެ ދެކުނަށް ހުޅަނގު ދެކުނާއި، ހުޅަނގުން ގަޑިއަކު 5 މޭލާއި 15 މޭލަށް ވައިޖެހޭނެ ކަމަށާ، އެހެން ހިސާބުތަކަށް ހުޅަނގާއި ހުޅަނގުއުތުރުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ވައިޖެހޭނެ ކަމަށްވެސް ބުނެފައި ވެއެވެ. އަދި ވިލާގަނޑުގައި ގަޑިއަކު ގާތްގަނޑަކަށް 45 މޭލަށް ވައި ގަދަވުން އެކަށީގެން ވާ ކަމަށްވެސް މެޓް އޮފީހުން ބުނެފައިވެއެވެ.