ސެޕްޓެމްބަރ 9ގައި ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި މަކަރު ހަދައި ހަމަނުޖެހުން އުފެއްދުމަށް އެއްވެސް ފުރުސަތެއް ނުދޭނެ ކަމަށް އިލެކްޝަންސް ކޮމިޝަންގެ ނައިބު ރައީސް އިސްމާއިލް ޙަބީބް ވިދާޅުވެއްޖެއެވެ.

ޙަބީބް މިހެން ވިދާޅުވީ މިއަދު އީސީ އިން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ.

ޙަބީބް ވިދާޅުވީ އިންތިޚާބުގެ ކަންކަން ޤާނޫނާއި ޤަވާއިދުގެ ތެރެއިން ކުރުމަށް އިލެކްޝަންސް ކޮމިޝަނަށް ކުރެވެން ހުރި ހުރިހާ މަސައްތެއް ކުރައްވާނެ ކަމަށެވެ. އަދި ކޮމިޝަންގައި މިހާރު ތިއްބެވި ހަތަރު މެމްބަރުން ތިއްބެވީ ރައްޔިތުންގެ ކަންބޮދުވުންތަކިގެ އަޑު އައްސަވައި ވޯޓުގެ ސިއްރުކަން ދެމެހެއްޓުމަށްޓަކައި ޤާނޫނާއި ޤަވާއިދުގެ ތެރެއިން ކުރަންޖެހޭ ހުރިހާ ކަމެއް ކުރައްވާން ކަމަށްވެސް ޙަބީބް ވިދާޅުވިއެވެ.

Advertisement

ޙަބީބް ވިދާޅުވީ ވޯޓްލާ މީހާ ވޯޓުލާ މަރުކަޒަށް ގޮސް ވޯޓު ކަރުދާސް ހިފައިގެން ގޮސް ވޯޓު ލުމާއި ހަމައަށް އެމީހާއަށް އެއްވެސް ނުފޫޒެއް ނުފޯރާނެކަމުގެ ޔަޤީންކަން ދޭ ކަމަށެވެ.