އައިއޯއައިޖީ 2013 ގައި ރާއްޖެ ތަމްސީލުކުރި ދިވެހި އެތްލީޓުންނަށް ކުލަގަދަ، ރަތްދޫލައިގެ މަރުޙަބާއެއް ކިޔުމަށް ތައްޔާރުވަމުންދާކަމަށް ޔޫތް މިނިސްޓަރު އަޙްމަދް މަޙްލޫފް ވިދާޅުވެއްޖެއެވެ.
މަޙްލޫފް ކުރެއްވެވި ޓްވީޓެއްގައި ވިދާޅުވެފައިވަނީ އައިއޯއައިޖީގައި ބައިވެރިވި ދިވެހި އެތްލީޓުން ހޯދި ރަން ކާމިޔާބީތައް ފާހަގަކޮށް މަރުޙަބާ ކިޔުމަށް ސެޕްޓެމްބަރު 5 ވަނަ ދުވަހުގެރޭ ރޭގަނޑު 21:00ގައި ރަތް ދޫލައިން ޖުމްހޫރީ މައިދާން ފުރާލުމަށެވެ.
އަދި ހަވާއެރުވުމާއި އެކު ކުލަގަދަ މަރުޙަބާއެއް ކިޔުމަށް ތައްޔާރުވަމުންދާކަމަށްވެސް މަޙްލޫފްވަނީ ވިދާޅުވެފައެވެ.
މަޙްލޫފްވަނީ ޤައުމީ އިވެންޓުގައި ވީހާވެސް ގިނަ ރައްޔިތުން ބައިވެރިވަޑައިގެންދެއްވުންއެދި ދައުވަތުއަރުވައިފައެވެ.
މިއަހަރުގެ އައިއޯއައިޖީ ކުޅިވަރު މުބާރާތްތަކުގައި ބައިވެރިވި ދިވެހިން ވަނީ ފާހަގަކުރެވޭ ވަރުގެ ކާމިޔާބީތަކެއް ހޯދައިފައެވެ.
Advertisement
This content is created and paid for by advertisers and does not involve Voice Journalists
