ދިވެހިރާއްޖޭގެ ޒުވާނުންގެ ހާލަތުވަނީ ހިތާމަކުރާ ހާލަތެއްގައި ކަމުގައި އަމިއްލަ ގިތުން ރިޔާސީ އިންތިހާބުގައި ވާދަކުރާ ކެނޑިޑޭޓް ފާރިސް މައުމޫނު ވިިދާޅުވެއްޖެއެވެ. 

ފާރިސް މިފަދައިން ވިދާޅުވީ، މި އަހަރުގެ ރިޔާސީ އިންތިހާބުގައި ވާދަކުރައްވާ ކެންޑިޑޭޓުންނާއެކު ވޮއިސް އިން ގެނެސްދޭ ވޮއިސް އެކްސްކްލޫސިވް އިންޓަރވިއުގައި ވާހަކަދައްކަވަމުންނެވެ. 

ރާއްޖޭގެ ޒުވާނުންގެ ހާލަތާއި ގުޅޭގޮތުން އިންޓަރވިއު ޕެނަލިސްޓް ކުރެއްވި ސުވާލަށް ޖަވާބުދެއްވަމުން ފާރިސް ވިދާޅުވީ، ޒުވާނުންނަށް މުޅިން ފެންނަމުން މިދަނީ ނާއުންމީދު ކަމަށާއި ސިޔާސީ ވެރިން ތިބީ ޒުވާނުންނަށް އިތުބާރުނުކޮށް އެ ޒުވާނުންނަށް މަލާމާތް ކުރާ ހާލަތުގައިކަމަށެވެ. 

Advertisement

މީގެ އިތުރުން ފާރިސް ވިދާޅުވީ، ޒުވާނުންނަނީ ހަމައެކަނި ކުޅިވަރު ކުޅޭބައެއްގެ ގޮތުގައި އެ ވިސްނުމުގައި ކެމްޕެއިން ކުރަމުންދާތާ މިހާރު އެތަށް ޒަމާނެއް ވެފައިވާކަމަށެވެ. އެހެންނަމަވެސް ޒުވާނުންގެ ތެރޭގައި ތައުލީމު ހާސިލްކުުރުމަށް ބޭނުންވާ ޒުވާނުންވެސް ތިބޭ ކަމަށާއި އެހެންނަމަވެސް ތައުލީމު ހާސިލްކުރުމަށްފަހު އެނބުރި އައިސް އަދާކުރާނެ ވަޒީފާއެއް ނުލިބޭކަމަށެވެ. 

އަދި މީގެ އިތުރުން ކިޔަވަން ނެގި ލޯނުވެސް އަނބުރާ ދައްކަން ޖެހޭ ކަމުގައްޔާއި އެ ލޯނުން ސަލާމަތްވެވޭނެ ދުވަހެއް ނޭނގިގެން ޒުވާނުން އުޅެން ޖެހޭކަމުގައި ފާރިސް ވިދާޅުވިއެވެ. 

މީހެ އިތުރުން ޒުވާނުންނަށް ބޯހިޔާވަހިކަން ފޯރުކޮށްދެވިފައި ނެތްކަން ފާހަގަކުރައްވައި ފާރިސް ވިދާޅުވީ، ދިވެހިރާއްޖޭގައި އެއް އިރަކުވެސް ޒުވާނުންނާއި ގުޅުންހުރި ލަނޑުދަނޑިތައް ހާސިލްކުރެވޭނެ ގޮތްތަކެއް ކަނޑައެޅިފައި ނުހުންނަކަމަށެވެ. 

މީގެ އިތުރުން ފާރިސްވަނީ ހަމަ އެކަނި ފުޓްސަލް ދަނޑުތައް އަޅާއިގެން ޒުވާނުންގެ އިހްސާސްތައް ހާސިލްކޮށް ނުދެވޭނެ ކަމުގައި ވިދާޅުވެފައެވެ.