ޕްރޮސިކިޔުޓާ ޖެނެރަލްގެ އޮފީހުން ކުށުގެ ރިކޯޑް، އޮންލައިންކޮށް ސާފުކުރެވޭނެ ހެން އެއޮފީހުގެ ގިނަ ޚިދްމަތްތަކެއް އޮންލައިންކޮށް ހޯދޭނެ ގޮތް ހަދައިފިއެވެ.
ޕީޖީ އޮފިހުން ބުނެފައިވަނީ މި ޚިދުމަތް ހޯދުމަށްޓަކައި ފޯނުންނާއި، އީފާސް މޯބައިލް އެޕްލިކޭޝަން މެދުވެރިކޮށާއި، ނުވަތަ ޕީޖީގެ ރަސްމީ ޕޯޓަލް އިން އީފާސް މެދުވެރިކޮށް ވަނުމަށްފަހު، ކުށުގެ ރެކޯޑު މެނޫއިން ބޭނުންކުރެވޭނެކަމަށެވެ.
މީގެ އިތުރުން އެ އިދާރާއިން ހާމަކޮށްފައިވާ ގޮތުގައި ރެކޯޑަށް އެދިވަޑައިގަންނަވާތާ ގިނަވެގެން މަސައްކަތު އެއް ދުވަހުގެ ތެރޭގައި ޖަވާބު، އޮންލައިން ޕޯޓަލަށް އަޕްލޯޑު ކޮށްދޭނެއެވެ. އެއީ ފޯނުންވެސް، އެ މަޢުލޫމާތު ވަގުތުން ފަސޭހަކަމާއި އެކު ލިބޭނެ ގޮތް ހޯދައިދިނުމަށްކަމަށް ޕިޖީ އޮފީހުން ބުނެއެވެ.
އަދި ލިޔުން ޕްރިންޓްކޮށް އެ ލިޔުމަކީ ޕީޖީ އޮފީހުން ދިން ލިޔުމެއްކަން އެނގޭނެ ވެރިފިކޭޝަން ކޯޑެއް އެލިޔުމުގައި އޮންނާނެކަންވެސް ބުނެއެވެ. ހަމައެއާއިއެކު އީމެއިލް މެދުވެރިކޮށް ކުށުގެ ރެކޯޑު ސާފުކުރައްވަން ބޭނުންވާ ބޭފުޅުންނަށް [email protected] އަށް އީމެއިލް ކުރެއްވުމުން، މަސައްކަތް 2 ދުވަހުގެ ތެރޭގައި، ކުށުގެ ރެކޯޑު ސާފުކުރުމަށްފަހު، ޖަވާބު އީމެއިލަށް ފޮނުވައިދޭނެކަންވެސް ވަނީ ވެސް ޕީޖީ އޮފީހުން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
