ބެޗްލާސް ޑިގްރީ ނެގުމުން އިތުރު ދެއަހަރު މަޑުކުރަން ނުޖެހި ލެވެލް 7އަކަށް ބަދަލުކޮށްދިނުމަށް ސިވިލް ސާވިސް ކޮމިޝަނުން ނިންމައިފިއެވެ.
އެކޮމިޝަނުން މިއަދު ބުނެފައިވަނީ މި ބަދަލު ގެނައުމަށް ނިންމާފައި ވަނީ ކިޔަވައިދޭ މުދައްރިސުންނަކީ ތައުލީމީ ގޮތުން ފެންވަރު ރަނގަޅު ބަޔަކަށް ހެދުމަށްޓަކައި ޓީޗަރުންގެ ގޮތުގައި މަސައްކަތްކުރާ ފަރާތްތަކަކީ އެންމެ ދަށްވެގެން ޑިގްރީ ލެވެލްއަށް ތަޢުލީމު ހާސިލްކޮށްފައިވާ ފަރާތްތަކަކަށް ހެދުމުގެ މަޤްސަދުގައި ކަމަށެވެ.
މި މަޤްސަދު ހާސިލްކުރުމުގެ ގޮތުން ޓީޗަރުންގެ ޖޮބް މެޓްރިކްސްގެ ޕަބްލިކް ސާވިސް ރޭންކް ފަހެއް (ޑިޕްލޮމާ ލެވެލް)ގެ ޓީޗަރުންގެ މަޤާމްތައް ސްކޫލް ސްޓާފް ރިކުއާމަންޓްގައި ހިމަނައި، އެފަދަ ޓީޗަރުން ޑިގްރީ ހާސިލްކުރުމުން ޕަބްލިކް ސާވިސް ރޭންކް ހަތެއްގެ (ބެޗްލާސް ޑިގްރީ ލެވެލް)ގެ މަޤާމަށް ހަމަޖެއްސުމުގެ ގޮތުން އޮނިގަނޑަށް ވަނީ ބަދަލު ގެނެސްފައި ކަމަށްވެސް ބުނެފައިވެއެވެ.
އެ ކޮމިޝަނުން މިއަދު ވަނީ އެ މިންގަނޑާ އެއްގޮތަށް ސްކޫލްތަކުގެ ސްޓާފް ރިކުއާމަންޓަށް ގެންނަންޖެހޭ ބަދަލުތައް ގެނެސް، ފާސްކުރުމަށް ކޮމިޝަނަށް ހުށަހެޅުއްވުމަށް އެޑިއުކޭޝަން މިނިސްޓްރީއަށް އަންގާފައެވެ.
Advertisement
This content is created and paid for by advertisers and does not involve Voice Journalists
