ސެޕްޓެމްބަރ 9 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބު މޮނިޓަރ ކުރުމަށް ކޮމަންވެލްތްގެ އޮބްޒާވަރުން އަތުވެއްޖެއެވެ.
ކޮމަންވެލްތްގެ އޮބްޒާވަރުންގެ ޓީމް ލީޑްކުރައްވަނީ ސީޝަލްސްގެ ކުރީގެ ރައީސް ޑެނީ ފައުރޭއެވެ.
ކޮމަންވެލްތުގެ ވަފްދުގައި 10 މެންބަރުން ހިމެނިވަޑައިގަނެއެވެ. އެގޮތުން އެމަނިކުފާނު ވަނީ 2023 ވަނަ އަހަރު ރާއްޖޭގައި ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި ކޮމަންވެލްތުގެ އޮބްޒާވަރުން ތިބުމަކީ ކޮމަންވެލްތުން ދިވެހި ރައްޔިތުންނާ އެކު ދެމިއޮންނާނެ އެއްބައިވަންތަކަން ސާބިތުކޮށްދޭ ކަމެއް ކަމަށް ވިދާޅުވެފައިވެއެވެ.
ޑެނީ ވިދާޅުވެފައިވަނީ މި ކޮމަންވެލްތްގެ ޓީމުގެ މަސައްކަތަކީ އިންތޚާބަށް ނުފޫޒު ފޯރުވުން ނޫން ކަމަށާއި، އެޓީމުގެ މަސައްކަތަކަށް ވެގެންދާނީ އިންތިޚާބު އޮބްޒާވްކުރުން ކަމަށެވެ.
އިންތިޚާބަށްފަހު އިންތިޚާބުގެ ކަންކަން ހިނގައި ދިޔަ ގޮތާއި މެދު ކޮމަންވެލްތްގެ ޓީމުން ރިޕޯޓެއް އެކުލަވައިލާނެއެވެ. އިންތިޚާބުގެ ކުރިޔާއި އިންތިޚާބުގެ ދުވަހާއި އިންތިޚާބާއި ގުޅިގެން އަންނަ ދުވަސްތަކުގެ ކަންކަން އެ ޓީމުން އޮބްޒާވް ކުރާނެއެވެ.
Advertisement
This content is created and paid for by advertisers and does not involve Voice Journalists
