މޮރޮކޯއަށް ބާރުގަދަ ބިންހެލުމެއް އައިސް، ގިނަ  ބަޔަކު މަރުވެއްޖެއެވެ.

6.8މެގްނެޓިޔުޓްގައި އައި މި ބިންހެލުމުގެ ސަބަބުން 296 މީހުން މިހާތަނަށް މަރުވެފައިވާ ކަމަށް އަލްޖަޒީރާގައި ބުނެފައިވެއެވެ. މީހެ އިތުރުން 150 އަށް ވުރެ ގިނަ މީހުން ވަނީ މި ޒަހަމްވެފައެވެ.

އެމެރިކާގެ ޖިއޮލޮޖިކަލް ސާވޭ އިން ބުނެފައިވަނީ 6.8 މެގްނެޓިޔުޓްގައި އައި ބިންހެލުމުގެ ކުރިން ވެސް އެއަށްވުރެ ކުޑަ ބިންހެލުމެއް އެސަރަދަށް އައިކަމަށެވެ.

ބިން ހެލުން އައިސްފައިވަނީ މޮރޮކޯގެ ހަތަރު ވަނައަށް އެންމެ ބޮޑު ސިޓީ ކަމަށްވާ  މައްރަކޭޝްގައި ހިމެނޭ ފަރުބަދަމަތީ ސަރަހައްދަކަށެވެ.

ބިންހެލުމުގެ ސަބަބުން މައްރަކޭޝްގެ އެންމެ ދުވަސްވީ ތާރީޚީ ސަރަހައްދަށް ވަނީ ބޮޑެތި ގެއްލުންތަކެއް ލިބިފައެވެ.

މޮރޮކޯގެ ކަމާއި ބެހޭ އިދާރާތަކުން ބުނެފައިވަނީ ބިންހެލުމުގައި ލިބުނު ގެއްލުންތައް ރަނގަޅަށް އަދި ސާފު ވެފައި ނުވާ ކަމަށާއި މީހުން މަރުވި ވަރުވެސް އަދި މުޅިއެކުން ޔަޤީން ނުވާ ކަމަށެވެ.

މީގެ ކުރިން 2004 ވަނަ އަހަރު މޮރޮކޯއަށް ބިން ހެލުމުގައި 600 މީހުން ވަނީ މަރުވެފައެވެ. އެއީ 6.3 މެގްނެޓިޔުޓް ގައި އައި ބިންހެލުމެކެވެ.