މިއަދު މޮރޮކޯއަށް އައި ބިންހެލުމުގައި މަރުވި މީހުންގެ ޢަދަދު 820 އަށް އަރައިފިއެވެ.
މޮރޮކޯގެ ޤައުމީ ޓީވީއިން ބުނެފައިވަނީ ބިންހެލުން ތަކުގެ ސަބަބުން މަރިވި މީހުންގެ ޢަދަދަ 820 އަށް އަރައިފައި ވާ ކަމަށާއި ހާދިސާގެ ސަބަބުން ޒަޚަމް ވި މީހުންގެ ޢަދަދު 670 އަށް އަރާ ކަމަށެވެ.
އަދި ބިންހެލުން އައި ސަރަހައްދުގައި ހުރި ތާރީޚީ ބިނާ ތަކަކަށް ވަރަށް ބޮޑަށް ގެއްލުން ވެފައިވާ ކަމަށްވެސް ބުނެފައިވެއެވެ.
މޮރޮކޯގެ ޤައުމީ ޓީވީއަށް މަޢުލޫމާތު ދެމުން މޮރޮކޯގެ ދާޚީލީ ވަޒީރު ވިދާޅުވެފައިވަނީ ޒަޚަމް ވި މީހުންގެ ތެރެއިން 205 މީހެއްގެ ޙާލު ވަރަށް ދެރަކަމަށެވެ.
ބިންހެލުން އައި އަވަށުގެ މީހަކު ބުނެފައިވަނީ އޭނާގެ އަވަށްޓެރިން ތިބީ ގެތައްވެއްޓުމުން އޭގެ ފާރު ތަކުގެ ދަށުގައި ކަމަށާއި ފާރުތަކުގެ ދަށުގައި ތިބި މީހުން ސަލާމަތް ކުރަން އަންނަނީ އަވަށުން ލިބެން ހުރި އެއްޗެއް ބޭނުން ކޮށްގެން މަސައްކަތްތަކެއް ކުރަމުން ކަމަށެވެ.
މީގެ ކުރިން 2004 ވަނަ އަހަރު މޮރޮކޯއަށް ބިން ހެލުމުގައި 600 މީހުން ވަނީ މަރުވެފައެވެ. އެއީ 6.3 މެގްނެޓިޔުޓް ގައި އައި ބިންހެލުމެކެވެ.
Advertisement
This content is created and paid for by advertisers and does not involve Voice Journalists
