ރިޔާސީ އިންތިޚާބުގެ ވޯޓުލުން އޮންނާނީ މި ހިނގާ ސެޕްޓެމްބަރު މަހުގެ 30 ވަނަ ދުވަހު ކަމަށް އިލެކްޝަންސް ކޮމިޝަނުން ބުނެފިއެވެ.
އިލެކްޝަންސް ކޮމިޝަންގެ ނައިބު ރައީސް އިސްމާއިލް ޙަބީބް ކުރައްވާފައިވާ ޓްވީޓެއްގައި ވިދާޅުވެފައިވަނީ ރިޔާސީ އިންތިހާބު 2023 ގެ ދެވަނަބުރުގެ ވޯޓުލުން އޮންނާނީ 2023 ސެޕްޓެމްބަރު 30 ވާ ހޮނިހިރު ދުވަހު ކަމަށެވެ.
ޙަބީބް އިތުރަށް ވިދާޅުވެފައިވަނީ ފުރަތަމަ ބުރުގައި ވޯޓުލީތަން ނޫން އެހެންތަނެއްގައި، ދެވަނަބުރުގައި ވޯޓުލާން ބޭނުންވާ މީހުންނަށް، އެ ފުރުސަތު އިލެކްޝަންސް ކޮމިޝަނުން ވަރަށް އަވަހަށް ހުޅުވާލައި، އެކަން ޢާންމުކޮށް އިއުލާން ކުރާނެކަމަށެވެ.
އިންތިޚާބުގެ ފުރަތަމަ ބުރުން އެންމެ ގިނަ ވޯޓު ހޯއްދެވީ ޕީއެންސީގެ ކެންޑިޑޭޓް ޑރ މުޙައްމަދު މުޢިއްޒު އެވެ. އެމަނިކުފާނަށް 100،122 ވޯޓް ލިބުވަޑައިގަތެވެ. އެމަނިކުފާނާއި އެންމެ ގާތުން ވޯޓު ހޯއްދެވީ މިހާރުގެ ރައީސް އަދި އެމްޑީޕީ ކޯލިޝަންގެ ކެންޑިޑޭޓް 84،997 ވޯޓް ހޯއްދެވިއެވެ. މި ދެބޭފުޅުންނާއި އެންމެ ގާތުން ދެން ވާދަކުރެއްވީ ދަ ޑިމޮކްރެޓްސްގެ ކެންޑިޑޭޓް އިލްޔާސް ލަބީބެވެ.
Advertisement
This content is created and paid for by advertisers and does not involve Voice Journalists
