ހުޅުމާލޭ ފޭސް 2 އިން އިރު އުތުރު ފަރާތަށް މަސް ހިފަން މޫދަށް ފޭބި މީހަކު ނިޔާވެފައި އޮއްވާ ފެނިއްޖެ އެވެ. 

ފުލުހުންގެ މީޑިއާ އޮފިޝަލް ވިދާޅުވީ، ހުޅުމާލޭ ފޭސް 2 އިން އިރު އުތުރު ފަރާތަށް މަސް ހިފަން މޫދަށް ފޭބި މީހަކު ގެއްލިގެން ހޯދަމުންދާ ކަމަށް މިއަދު ހެނދުނު އެ އިދާރާއަށް ރިޕޯޓް ކޮށްފައިވާ ކަމަށެވެ. 

އަދި އޭނާ ހޯދަމުން ދަނިކޮށް، ހުޅުމާލޭ ފޭސް 2 އިން އިރު އުތުރު ފަރާތު ފަޅު ތެރެއިން ފެނިފައިވާ ކަމަށާ، އޭނާ ހުޅުމާލޭ ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް އޮފިޝަލް ވިދާޅުވި އެވެ. 

މީގެ އިތުރުން މީޑިއާ އޮފިޝަލް ވިދާޅުވީ، ނިޔާވެފައިވަނީ ސްރީލަންކާއަށް ނިސްބަތްވާ 45 ފިރިހެނެއް ކަމަށާ، މި ހާދިސާ އާއި ގުޅިގެން ބަލަންޖެހޭ ކަންކަން ބަލަމުން އަންނަ ކަމަށެވެ.