ރިޔާސީ އިންތިޚާބުގައި ވޯޓް ލާން ދޭ ވަގުތު އިތުރު ކޮށްފައިވާކަމަށް އިލެކްޝަންސް ކޮމިޝަނުން ބުނެފިއެވެ.
އެކޮމިޝަނުން މިއަދު ބުނެފައިވަނީ ސެޕްޓެމްބަރ 30ވަނަ ދުވަހު ރިޔާސީ އިންތިޚާބުގެ ދެވަނަ ބުރު ބޭއްވުމަށް ހަމަޖެހިފައިވާއިރު އިންތިޚާބުގެ ދެވަނަ ބުރުގެ ވޯޓުލުން އެދުވަހުގެ ހެނދުނު 8:00 ފެށިގެން ހަވީރު 5:00 އަށް ކުރިއަށް ދާނެ ކަމަށެވެ.
ރިޔާސީ އިންތިޚާބުގެ ދެވަނަ ބުރުގައި ވޯޓްލާ ތަން ބަދަލު ކުރަން ބޭނުންވާ މީހުންނަށް އެފުރުޞަތު ދޭނެކަމަށްވެސް އީސީ އިން ވަނީ ބުނެފައެވެ.
2023 ސެޕްޓެމްބަރު 30 އަށް 18 އަހަރު ފުރޭ ޒުވާނުންނަށްވެސް ދެވަނަބުރުގައި ވޯޓުލުމުގެ ފުރުސަތު ލިބިގެންދާނެކަމަށް އީސީގެ ނައިބު ރައީސް އިސްމާއިލް ޙަބީބް ވަނީ ވިދާޅުވެފައެވެ.
މި ސެޕްޓެމްބަރ މަހުގެ 9ވަނަ ދުވަހު ބޭއްވި ރިޔާސީ އިންތިޚާބުގައި ވޯޓު ދިނުމުގެ ހައްޤު 282,395 މީހުންނަށް ލިބުނުއިރު ވޯޓުލީ ގާތްގަނޑަކަށް 75 ޕަސެންޓު މީހުން ކަމަށް އިލެކްޝަންސް ކޮމިޝަނުން ވަނީ ބުނެފައެވެ. އެއީ ގާތްގަނޑަކަށް 211،796 މީހުންނެވެ. އެހެންކަމުން މިއީ ރިޔާސީ އިންތިހާބެއްގައި އެންމެ މަދުން ވޯޓު ލީ ފަހަރެވެ.
Advertisement
This content is created and paid for by advertisers and does not involve Voice Journalists
