އެމްޑީޕީ ކޯލިޝަންގެ ކެމްޕޭނު ހަރަކާތްތެރިންނާއި މިރޭ ރައީސް އިބްރާހިމް މުޙައްމަދު ޞާލިޙް ބައްދަލުކުރެއްވުމަށް ހަމަޖެހިއްޖެއެވެ.

އެމްޑީޕީ އިން ބުނެފައިވަނީ ކެމްޕޭން ހަރަކާތްތެރިންނާއިއެކު ރައީސް ޞާލިޙްގެ ހާއްސަ ބައްދަލުވުމެއް މިރޭ ދަނޑިކޮށި ޖަގަހައިގައި އޮންނާނެ ކަމަށެވެ. މިބައްދަލުވުން ފެށުމަށް ހަމަޖެހިފައިވަނީ މިރޭގެ 9:30 ގައެވެ.

އިންތިޚާބުގެ ދެވަނަ ބުރުގައި ވާދަކުރުމަށް ހަމަޖެހިފައިވާ ރައީސް ޞާލިޙާއި ޑރ މުޢިއްޒު ދަނީ އިންތިޚާބުގައި ވާދަކުރެއްވި އެހެން ކެންޑިޑޭޓުންނާއި ކޯލިޝަން ހެއްދެވުމަށް މަޝްވަރާ ކުރައްވަމުންނެވެ.