ލީބިޔާއަށް ދިމާވެފައިވާ ފެންބޮޑުވުމުގެ ކާރިސާގައި ގެއްލުނު މީހުންގެ ޢަދަދު ދިހަހާހުން މައްޗަށް އަރައިފައެވެ.
އަލްޖަޒީރާގައި ބުނެފައިވަނީ ފެންބޮޑުވުމުގެ ސަބަބުން މަރުވި މީހުންގެ ޢަދަދު 6000 މައްޗަށް އަރައިފައިވާ ކަމަށެވެ. އަދި މީހުން ހޯދުމަށް ހިންގަމުންގެންދާ އޮޕަރޭޝަން ކުރިއަށްދާ ވަރަކަށް ކާރިސާގައި މަރުވި މީހުންގެ ޢަދަދު މަތިވާނެ ކަމަށް ވަނީ ލަފާކޮށްފައެވެ.
ފޯނުގެ ކަނެކްޝަނާއި އިންޓަރނެޓްގެ ކަނެކްޝަން ކެނޑި މުޅި ދުނިޔެ އާއި ޑަރްނާގެ ގުޅުން ކެނޑިފައިވާއިރު ޑަރްނާ އަށް އެހީގެ ފުރަތަމަ ސަވާރީ ފޯރައިފައިވަނީ ޑަރްނާ ފެނުގެ އަޑީގައި އޮންނަތާ 36 ގަޑިއިރު ފަހުންނެވެ. ފެންބޮޑުވުމުގެ ސަބަބުން ޑަރްނާގެ މަގުތައް ވަނީ ވަރަށް ބޮޑަށް ހަލާކުވެފައެވެ. އެކަމުގެ ސަބަބުން އެހީ ހިފައިގެން، ހާލުގައި ޖެހިފައި ތިބި މީހުންނާއި ހަމައަށް ދަތުރުކުރާ ސަވާރީތަކަށް ވަނީ ދަތި ތަކާއި ކުރިމަތިވެފައެވެ.
އަލްޖަޒީރާއަށް މައުލީމާތު ދިން މީހަކު ބުނެފައިވަނީ ޑަރްނާގެ މަގުތަކުގެ 20 ޕަސެންޓް ވަނީ އެކީ ހަލާކުވެފައި ކަމަށެވެ.
ލީބިޔާގައި މިހާބޮޑަށް ފެންބޮޑުވެފައި މިވަނީ އެޤައުމަށް އެރި ތޫފާން ޑެނިއަލްގެ ސަބަބުންނެވެ. ޑެނިއަލް ތޫފާނުގެ އަސަރު އެންމެ ބޮޑަށް ކޮށްފައިވަނީ ލީބިޔާގެ ޑަރްނާއަށެވެ.
ޑަރްނާގައި މިހާބޮޑަށް ފެންބޮޑުވެ ބޮޑެތި ގެއްލުން ތަކެއް ލިބެން މެދުވެރިވީ ސަބަބަކީ ދެޑޭމް އަކަށް ޕްރެޝަރު ބޮޑުވެ އެދެދިމާއިން ފެންގަނޑު ވަދެގެނެވެ.
ހަލާކުވެފައިވާ ދެޑޭމްގެ އާބާތުރަ ނުފިލުވާތާ ވިއްސަކަށް އަހަރު ވެދާނެ ކަމަށް ޑަރްނާގެ ޑެޕިޔުޓީ މޭޔަރު އަޙްމަދު މަދްރޫދް ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
