ރިޔާސީ އިންތިޚާބުގެ ފުރަތަމަ ބުރުގެ ވޯޓުލުން އޮތް ދުވަހު ރާއްޖެއިން ބޭރުން އިންތިޚާބު އޮބްޒާވް ކުރަން ވަޑައިގެންނެވި އޮބްޒާވަރަކަށް ފުރައްސާރަކުރި ކުރި މައްސަލައެއްގައި ދިވެހި އޮބްޒާވަރަކާއި ކެންޑިޑޭޓޭއްގެ މަންދޫބަކު ސަސްޕެންޑް ކޮށްފިކަމަށް އިލެކްޝަންސް ކޮމިޝަނުން ބުނެފިއެވެ.
އީސީ އިން ބުނެފައިވަނީ ރިޔާސީ އިންތިހާބު 2023 ގެ ވޯޓުލީ ދުވަހު އިލެކްޝަންސް ކޮމިޝަނުން ދަޢުވަތު އަރުވައިގެން ވަޑައިގެންނެވި ބައެއް އިންޓަރނޭޝަނަލް އޮބްޒާވަރުންނަށް ޕާޓީއެއް ތަމްސީލްކުރި ދިވެހި އޮބްޒާވަރަކާއި، މަންދޫބެއް، ފުރައްސާރަކޮށް، ސުލޫކީ މިންގަނޑާ ހިލާފު ވެފައިވާތީ، އެ ދެބޭފުޅުން އިންތިޚާބުގެ ދެވަނަބުރާއި، ކުރިޔަށް އޮތް ބޮޑު ދެ އިންތިޚާބުގައި އޮބްޒާވަރެއް ނުވަތަ މޮނިޓަރެއް ނުވަތަ ކެންޑިޓޭޓެއްގެ މަންދޫބެއްގެ ގޮތުގައި އިލެކްޝަން އޮފިޝަލެއްގެ ގޮތުން ޙަރަކާތްތެރި ނުވެވޭގޮތަށް ސަސްޕެންޑް ކުރުމަށް މިއަދު ބޭއްވި އިންތިޚާބާބެހޭ ޚާއްޞަ ޖަލްސާ އިންވަނީ ނިންމާފައި ކަމަށެވެ.
އީސީ އިން ބުނެފައިވަނީ ސަސްޕެންޑް ކުރެވުނު ދެމީހުންގެ ބަދަލުގައި އެހެން ދެމީހަކު އޮބްޒާވަރު އަދި މަންދޫބެއްގެ ގޮތުން ޙަރަކާތްތެރި ވުމުގެ ފުރުސަތު އެޕާޓީއަށް ދިނުމަށްވެސް ކޮމިޝަނުން މިއަދުވަނީ ނިންމާފައިކަމަށެވެ.
Advertisement
This content is created and paid for by advertisers and does not involve Voice Journalists
