މި މަހުގެ 30 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިހާބުގެ ދެވަނަބުރުގެ ވޯޓުލުން ކުރިއަށްދާ ވަގުތުގައްޔާއި އަދި ވޯޓު ގުނާވަގުތު އެކަންކަން މޮނީޓަރ ކުރުމަށާއި އިބްތިހާބުގެ ދެވަނަ ބުރުގައި ވާދަކުރާ ކެންޑިޑޭޓުންގެ މަންދޫބުންގެ ގޮތުގައި ވޯޓުލާ މަރުކަޒުގައި ހަރަކާތްތެރިވުމަށް އެދި ފޯމު ހުށަހެޅުމުގެ ފުރުސަތު އިލެކްޝަން ކޮމިޝަނުން ހުޅުވާލައިފިއެވެ. 

އެކޮމިޝަނުގެ ނައިބު ރައީސް އިސްމާއީލް ހަބީބް ކޮށްފައިވާ ޓުވީޓެއްގައި ބުނެފައިވަނީ، 2023 ސެޕްޓެމްބަރު 30 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޙާބުގެ ދެވަނަ ބުރުގެ ވޯޓު ނެގުމާއި، ގުނުމުގެ ކަންތައްތައް އޮބްޒާވުކުރުމަށާއި، މޮނިޓަރ ކުރުމަށް ޝައުޤުވެރިވާ ފަރާތްތަކަށާއި، ކެންޑިޑޭޓުންގެ މަންދޫބުންގެ ގޮތުގައި، ކެންޑިޑޭޓުންގެ ފަރާތުން ފޯމު ހުށަހެޅުމުގެ ފުރުސަތު ހުޅުވާލާކަމަށެވެ. 

މިކަމަށް އެދި ފޯމު ހުށަހެޅުމުގެ ފުރުސަތު 2023 ސެޕްޓްމްބަރު 14 ވާ ބުރާސްފަތި ދުވަހުން ފެށިގެން، 2023 ސެޕްޓެމްބަރު 17 ވާ އާދިއްތަ ދުވަހުގެ 15:00 އާ ހަމަޔަށް ހުޅުވާލެވިފައިވާ ކަމަށްވެސް އެ ޓުވީޓުގައި ބުނެފައިވެއެވެ. 

ރިޔާސީ އިންތިހާބުގެ ދެވަނަބުރުގެ ވޯޓުލުން މި މަހުގެ 9 ވަނަ ދުވަހު ނިމިފައިވާއިރު ގާނޫނު އަސާސީ ބުނާގޮތުން ރިޔާސީ އިންތިހާބު އެއްބުރު ކާމިޔާބުކުރުމަށް ވޯޓުލާ މީހުންގެ 50 އިންސައްތަ ވޯޓު ކޮންމެވެސް އެއް ކެންޑިޑޭޓަކު ހޯދަން ޖެހޭނެއެވެ. 

އެހެންނަމަވެސް މި އަދަދަށް އެއްވެސް ކެންޑިޑޭޓަކަށް ވޯޓު ލިބިފައި ނުވުމުން އިންތިހާބުގެ ދެވަނަބުރަށް ދަތުރުކޮށްފައިވަނީ 46 އިންސައްތަ ވޯޓު ހޯދި ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒު ގެ އިތުރުން 38 އިންސައްތަ ވޯޓު ހޯދި އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ޞާލިހެވެ.