ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒު ގެ ވެރިކަމެއްގައި، މި ރިޔާސީ އިންތިހާބުގައި އަމިއްލަ ގޮތުން ވާދަކުރެއްވި ފާރިސް މައުމޫންގެ މެނިފެސްޓޯގައި ހިމެނިފައިވާ މުހިއްމު ކަންކަން ތަންފީޒު ކުރުމާއި ގުޅޭގޮތުން މަޝްވަރާ ކޮށްފިއެވެ. 

ޕީޕީއެމުން ބުނީ، ޕީއެންސީގެ ރިޔާސީ ކެންޑިޑޭޓް ޑރ. މުޙައްމަދު މުޢިއްޒު ކަނޑައަޅުއްވާފައިވާ ޚާއްސަ ޓީމާއި ފާރިސް މައުމޫނާއެކު ރިޔާސީ އިންތިޚާބުގެ ދެވަނަ ބުރުގައި ގުޅިގެން މަސައްކަތް ކުރުމާގުޅޭގޮތުން މިއަދު ވަރަށް ކާމިޔާބު ބައްދަލުވުމެއް ބާއްވާފައިވާ ކަމަށެވެ. 

‏"މިބައްދަލުވުމުގައި ޕީޕީއެމް ޕީއެންސީގެ ވެރިކަމެއްގައި ފާރިސްމައުމޫންގެ މެނިފެސްޓޯގައި ހިމެނިފައިވާ މުހިއްމު ކަންކަން ތަންފީޒު ކުރެވޭނެ ގޮތްތަކަކާ ގުޅޭގޮތުންވަނީ މަޝްވަރާކޮށްފައި" ޕީޕީއެމުން ބުނެފައި ވެއެވެ. 

Advertisement

ޕީޕީއެމުން އިތުރަށް ބުނީ ފާރިސް އާއެކު އެއްބަސްވުމަކަށް އަދި ނާދެވޭ ކަމަށާ މަޝްވަރާތައް އަދިވެސް ކުރިއަށް ގެންދަވާނެ ކަމަށެވެ. 

މީގެ ކުރިންވެސް ޕީޕީއެމް/ޕީއެންސީގެ ޓީމާއި ފާރިސްގެ ޓީމުން ދެވަނަ ބުރުގައި އެކުގައި މަސައްކަތް ކުރުމާއު މެދު މަޝްވަރާ ތަކެއް ވަނީ ކޮށްފައެވެ. އެ ފާރިސްގެ ޓީމުން އިއްޔެ އެމްޑީޕީ އާއެކު ވެސް ވަނީ މަޝްވަރާ ކޮށްފައެވެ. 

ނިމިދިޔަ ރިޔާސީ އިންތިޚާބުގެ ފުރަތަމަ ބުރުގައި މިނިވަން ކެންޑިޑޭޓެއްގެ ގޮތުގައި ވާދަކުރެއްވި ފާރިސް އަށް 3015 ވޯޓް ލިބިލައްވައިފައިވެއެވެ.