ރޮޒެއިނާ ވަގަށް ނެގި އެއްޗެއް ބުނެދީފިނަމަ އަމިއްލައަށް ޖަލަށް ވަޑައިގަންނަވާނެ ކަމަށް އޭނާ ވިދާޅުވެއްޖެއެވެ.
ރޮޒެއިނާ މިހެން ވިދާޅުވީ އޭނާ ވައްކަންކުރި ކަމަސް ބުނެ ދެކެވޭ ވާހަކަތަކަށް ރައްދުދެއްވައި ކުރެއްވެވި ޓްވީޓެއްގައެވެ.
އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް އެއިލްޒާމު ތަކަށް ރައްދު ދެއްވައި ކުރައްވާފައިވާ ޓްވީޓެއްގައި ވިދާޅުވެފައިވަނީ ތަކުރާރުކޮށް ވައްކަން ކުރި ކަމަށް ނުކިޔައި ވަގަށް ނެގި އެއްޗޭ ބުނެދެއްވާ، ބުނެދީފިނަމަ އަމިއްލައަށް ޖަލަށް ދާން ތައްޔާރަށް ހުރި ކަމަށެވެ.
ރިޔާސީ އިންތިޚާބު ފުރަތަމަ ބުރުގައި ރައީސް އިބްރާހިމް މުޙައްމަދަށް ލިބިވަޑައިގަތް ނާކާމިޔާބާއި ގުޅިގެން ގިނަ ބަޔަކު އަންނަނީ ކެމްޕޭނުގެ ކަންކަމާއި އިސްކޮށް ހަވާލުވެ ތިއްބެވި ބޭފުޅުންނަށްވެސް ފާޑު ކިޔަމުންނެވެ.
މީގެ އިތުރުން މާލޭ ރައްޔިތުންނަށް ދޫކުރި ގޯތިން ރޮޒެއިނާގެ ދެމަފިރިންނަށްވެސް ވަނީ ގޯތި ލިބިވަޑައިގެންފައެވެ. މިކަމާއި ގުޅިގެން ވެސް އެތައް ބަޔަކު އަންނަނީ އެކަމާއި ގުޅިގެން ވެސް ފާޑު ކިޔަމުންނެވެ.
Advertisement
This content is created and paid for by advertisers and does not involve Voice Journalists
