ރީ-ރެޖިސްޓޭޝަންގައި ގޯހެއް ހެދިފައިވާނަމަ އެކަމެއް އިލެކްޝަންސް ކޮމިޝަނުން ރަނގަޅު ކޮށްދޭނެ ކަމަށް އެކޮމިޝަންގެ ނައިބް ރައީސް އިސްމާއިލް ޙަބީބް ވިދާޅުވެއްޖެއެވެ.
ޙަބީބް މިހެން ވިދާޅުވީ އޭނަ ކުރެއްވެވި ޓްވީޓެއްގައެވެ.
ޙަބީބް ވިދާޅުވީ ރީ-ރަޖިސްޓްރީ ކުރާ ފޯމެއް ހުށަހަޅައިގެން ނުވަތަ އޮންލައިން ޕޯޓަލް މެދުވެރިކޮށް ނޫން ގޮތަކަށް އެއްވެސް މީހަކު ރީ-ރަޖިސްޓަރީ ކުރުމުގެ ފުރުސަތެއް ނޯންނާނެކަމަށެވެ.
މީގެއިތުރުން އީސީ އަށް މައްސަލަ ހުށަހެޅުމުން ފޯމުގެ ކޮޕީ ނުވަތަ ޕޯޓަލް އިން އެދިފައިވާކަން ބަލައިދެވޭނެކަމަށާއި، ރީ-ރަޖިސްޓްރޭޝަން ގެ މަސައްކަތް ނިމި، ލިސްޓު ޢާންމުކޮށް ޝަކުވާ އަށް ދެ ދުވަހުގެ މުއްދަތަށް ހުޅުވައިލެވޭނެކަމަށް ޙަބީބް ވިދާޅުވިއެވެ.
ޙަބީބް ވިދާޅުވީ ލިސްޓު އީސީގެ ވެބްސައިޓުން ފެންނާނެ ކަމަށާއި މަސްލަޙަތު އޮތް ޕާޓީ ތަކަށް ވޯޓާސް ލިސްޓު ހިއްސާ ކުރެވޭނެ ކަމަށެވެ.
" ގޯހުން ކަމެއް ހިނގާފައިވާނަމަ، އެކަމެއް އީސީން އިސްލާޙް ކޮށްދޭނެ" ޙަބީބް ވިދާޅުވެފައިވެއެވެ.
ދެވަނަ ބުރަށް ރީރެޖިސްޓަރ ކުރުމުގައި އޮޅުވާލުން ތަކެއް އެބަހުރި ކަމަށް ޢާންމު ފަރާތްތަކުންނާއި ސިޔާސީ ޕާޓީ ތަކުން ވެސް އަންނަނީ ބުނަމުންނެވެ.
Advertisement
This content is created and paid for by advertisers and does not involve Voice Journalists
