ޓްވިޓާ މިހާރުގެ ނަމުންނަމަ އެކްސް އަށް ވަންނަ މީހުންގެ އަތުން މަހުފީއެއް ނަގާފަނެ ކަމުގެ އިޝާރާތެއް އެކުންފުނީގެ ވެރިޔާ އެލޮން މަސްކު ދީފިއެވެ.
މިދިޔަ 2022 ވަނަ އަހަރު ޓްވިޓަރ ގަތުމަށްފަހު "ޓެކް ޓައިކޫން" އެލޮން މަސްކު ވަނީ އެކުންފުންޏަށް ބޮޑެތި ބަދަލުތަކެއް ގެނެސްފައެވެ.
އެގޮތުން އޭނާ އުކުންފުންޏާއި ހަވާލުވުމަށްފަހު އެކުންފުނިން އެތައް ހާސް މުވައްޒިފުންނެއް ކުންފުނިން ވަކިކުރުމާއި، ޕެއިޑް ޕްރިމިއަމް އޮޕްޝަން ތަޢާރަފްކުރުމާއި އަދި މިނޫނަސް އެހެން ބަދަލުތައްވެސް ހިމެނެއެވެ.
މަސްކު ޓުވިޓާ ގަތުމަށްފަހު ކުރިން ޓްވިޓާއިން ބޭން ކޮށްފައިހުރި އެކައުންޓްތަކަށް އަލުން އެކްސެސް ދީފައިވެއެވެ. އޭގެ ތެރޭގައި އެމެރިކާގެ ރައީސް ޑޮނާލްޑް ޓްރަމްޕްވެސް ހިމެނެއެވެ.
ކޮމްޕިޔުޓަރ ޕްރޮގްރާމް ތައް މެދުވެރިކޮށް އިންސާނެއްގެ މަސައްކަތަކާއި ނުލައި ހިންގާ ޓްވިޓާ އެކައުންޓްތައް ހުންނައިރު އެފަދަ އެކައުންޓް ތަކުން ސިޔާސީ މެސެޖް ތަކާއި ނަފްރަތު އުފައްދާ ފަދަ މެސެޖްތައް ޕްލެޓްފޯމަށް ދޫކޮށްލެވެއެވެ.
މިފަދަ އެކައުންޓް ތަކުގެ ސަބަބުން ޔަހޫދީންނާއި ދެކޮޅު މެސެޖް ތައް ފެތުރިދާނެ ކަމުގެ ކަން ބޮޑުވުން މަސްކާއި ހިއްސާ ކޮށްފައިވަނީ އިޒްރާއިލްގެ ބޮޑު ވަޒީރު ނަތަންޔާހޫއެވެ.
ނަތަންޔާހޫ އާއި ދެކެވުނު ވާހަކައިގައި މަސްކު ބުނެފައިވަނީ އެކްސް ކުންފުނިން މިހާރު މަސައްކަތް ކުރަމުންދަނީ ޖަހާފައިވަނީ އެޕްލެޓްފޯމް ބޭނުން ކުރާ ކޮންމެ މީހެއްގެ އަތުން މަހު ފީއެއް ނެގުމަށް ކަމަށެވެ.
އަދި މިކަމުގެ ސަބަބުން ކޮމްޕިޔުޓަރ ޕްރޮގްރާމްތައް ބޭނުން ކޮށްގެން ހިންގާ ބޮޓް އެކައުންޓްތައް ކޮންޓްރޯލް ކުރެވޭނެ ގޮތަކީ އެއީ ކަމަށެވެ.
މަސްކު ބުނެފައިވަނީ އުފައްދާ ކޮންމެ ބޮޓް އެކައުންޓަކަށް ފައިސާ ދައްކަން ފައިސާ ދައްކާ ވަކި މެތަޑެއް ހުށައަޅަން ޖެހޭނެ ކަމަށާއި މިގޮތައް ހެދުމުން ބޮޑު އެއްޗެއް ދައްކަން ޖެހޭނެ ކަމަށެވެ.
Advertisement
This content is created and paid for by advertisers and does not involve Voice Journalists
