ރިޔާސީ އިންތިހާބުގެ ކެންޕެއިނަށް ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒު ނ މާފަރަށް ވަޑައިގެންނެވުމުން އެރަށު ރައްޔިތުން ނުކުމެ ފިނިފެންމަލުގެ ހޫނު މަރުހަބާއެއް މުޢިއްޒުއަށް ދަންނަވައިފިއެވެ.
ރިޔާސީ އިންތިހާބުގެ ދެވަނަ ބުރުގެ ކެންޕެއިން ހަރަކާތްތައް އަތޮޅު ތެރެއާއި މާލޭގައިވެސް މުޢިއްޒާއި ޓީމުން ކުރިއަށް ގެންދަމުންދާއިރު، މިއަދު އެމަނިކުފާނު ކެންޕެއިން ކުރައްވަމުންދަނީ ނ އަތޮޅުގެ ރަށްތަކުގައެވެ.
އެގޮތުން މިއަދު ހެނދުނު ނ މާފަރަށް ވަޑައިގެންފައިވާއިރު، އެރަށު ކުދި، ބޮޑު އަދި ދުވަސްވީ ގިނަ ބަޔަކު ވަނީ މަރުހަބާ ދަންނަވަން ނުކުމެފައެވެ. އަދި އެމީހުން ބޮޑެތި ފިޔާތޮށި މާފަތިތައް ޑރ. މުޢިއްޒުގެ ކަރުގައި އަމުނަމުން ދިޔައިރު، އަސުރުމާ ކުލައިގެ ކަރުދާހުން ހަދާފައިވާ ފިނިފެންމާތައްވެސް ދިޔައީ ދެމުންނެވެ. މުޅި އެ ސަރަހައްދު އޮތީ މުއިއްޒަށް މަރުހަބާ ދެންނެވުމަށް ޕީޕީއެމްގެ ފިޔާތޮށިކުލައިން ޖަރީކޮށްލާފައެވެ.
ޑރ. މުޢިއްޒު މާފަރަށް ވަޑައިގެންނެވުން-- ފޮޓޯ (މުނާޒު ހުސައިން/ވޮއިސް)
މުއިއްޒު މާފަރަށް ކުރެއްވި މި ދަރިފުޅުގައި ވަނީ އެ ރަށު ރައްޔިތުންނާ ބައްދަލު ކުރައްވާ އެމަނިކުފާނުގެ ވެރިކަމެއްގައި އެރަށަށް ކޮށްދެއްވާނެ ބައެއް ކަންކަން ހާމަ ކުރައްވާފައެވެ.
ރިޔާސީ އިންތިހާބުގެ ފުރަތަމަ ބުރުގައި މާފަރުގެ މެޖޯރިޓީ ހޯއްދެވީ މުޢިއްޒުއެވެ. މާފަރުގެ ދަތުރުފުޅުގައި މުޢިއްޒު ވަނީ ދެވަނަ ބުރުގައިވެސް އެއަށްވުރެ ބޮޑު ތާއީދެއް ދެއްވުމަށް އެދިލައްވާފައެވެ.
Advertisement
This content is created and paid for by advertisers and does not involve Voice Journalists
