ޖޯޒީ އެމްވީގެ ފަރާތުން އިންތިޒާމްކޮށްގެން ލ.ހިތަދޫގައި އޮކްޓޫބަރު މަހުގެ 02 ދުވަހު ފެށުމަށް ހަޖެހިފައިވާ "އެސްޓީއޯ ޖޯޒީ އެމްވީ ފުޓްސަލް ޗެލެންޖް 2023" ގައި ޖުމްލަ 8 ޓީމު ބައިވެރިވެފައިވާއިރު މުބާރާތުގެ ގުރުލުން ސެޕްޓެމްބަރު މަހުގެ 27 ވަނަ ދުވަހު ބޭއްވުމަށް ވަނީ ހަމަޖެހިފައެވެ.

ވޮއިސް އަށް މައުލޫމާތު ދެއްވަމުން ޖޯޒީ އެމްވީގެ ވެރިޔާ އިދުރީސް މަހްފޫޒު ވިދާޅުވީ މި މުބާރާތަކީ ޖޯޒީ އެމްވީގެ ފަރާތުން އިންތިޒާމްކޮށްގެން ބާއްވާ ފުރަތަަމަ ފުޓްސަލް މުބާރާތެވެ. އަދި މިއީ ލ.އަތޮޅުގެ ޒުވާނުންނަށް ޚާއްސަކޮށްގެން ބާއްވާ މުބާރާތެކެވެ. 

އިތުރަށް ވާހަކަ ދައްކަމުން އިދުރީސް ވިދާޅުވީ މިފަދަ މުބާރާތެއް ލ.އަތޮޅުގެ ޒުވާނުންނަށް ޚާއްސަކޮށްގެން ބޭއްވުމުގެ އެންމެ ބޮޑު މަގުސަދަކީ ޒުވާނުންގެ މެދުގައި ކުޅިވަރުގެ ރޫހް ދިރުވައި އެކުވެރިކަމާއި އެއްބައިވަންތަކަން އާލާކޮށް ކުޅިވަރުގެ ތެރެއިން ކުށް މަދު މުޖުތަމައެއް ބިނާކުރުމަށް ބާރުއެޅުމާއެކު، ދުޅަހެޔޮ ސިއްހަތަކަށް މަގުފަހިކުރުމުގެ ފުރުސަތު ތަނަވަސް ކޮށްދިނުމެވެ.

Advertisement

ޖުމްލަ 8 ޓީމު ޓީމަށް ބައިވެރިވެފައި މިމުބާރާތުގެ ޗެމްޕިއަން ޓީމަށް 20،000 ރުފިޔާގެ ފައިސާގެ އިނާމެއް ވަނީ ހުށަހަޅާފައިވާއިރު، މުބާރާތުގެ މެއިން ސްޕޮންސަރ އަކީ އެސްޓީއޯ އެވެ. އަދި މީޑިއާ ޕާޓްނަރަކަށް ހަމަޖައްސާފައި ވަނީ ވޮއިސް އެވެ.