ރިޔާސީ އިންތިހާބުގެ ދެވަނަބުރުގައި ވާދަކުރާ އެއްވެސް ކެންޑިޑޭޓަކަށް ތާއީދު ނުކުރުމަށް ދަ ޑިމޮކްރެޓްސްއިން ނިންމައިފިއެވެ.
ރިޔާސީ އިންތިޚާބުގައި ދެވަނަ ބުރުގައި ވާދަކުރައްވާ ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒާއި، އެމްޑީޕީގެ ކެންޑިޑޭޓް ރައީސް އިބްރާހީމް މުޙައްމަދު ޞާލިޙަށް ޑިމޮކްރެޓްސްއިން ވަނީ އެޕާޓިން ހުށައެޅި ކަންކަމަށް އެއްބަސްވެ އެކަމުގެ އެއްބަސްވުމުގައި ސޮއިކުރުމަށް މިއަދާ ހަމައަށް ސުންގަޑި ދީފަައެވެ. އެ މުހުލަތުގައި، އެ ޕާޓީގެ ޝަރުތުތަކަށް އެއް ޕާޓީންވެސް އެއްބަސް ނުވުމުން ޕާޓީން ނިންމާފައިވަނީ އެއްވެސް ބަޔަކާ ނުގުޅުމަށެވެ.
އެއްބަސްވުމުގައި ސޮއިކުރުމަށް މުހުލަތެއް ދިނުމަށް ފާސްކޮށްފައި ވަނީ މި މަހުގެ 18 ވަނަ ދުވަހުގެ ރޭ ބޭއްވުނު އެ ޕާޓީގެ ކައުންސިލު ބައްދަލުވުމުގައި ފާސްކުރި ފާސްކުރި ގަރާރަކުންނެވެ.
މީގެ އިތުރުން ކައުންސިލް ބައްދަލުވުމެއްގައި އެ ޕާޓީއަށް ނިސްބަތްވާ ގިނަ މެންބަރުންތަކެއް ވަނީ ރައީސް ޞާލިޙް ނޫން ގޮތެއް ހޯދަން ޖެހޭކަމަށް ބުނެފައެވެ.
މީގެ އިތުރުން ޑިމޮކްރެޓްސްއިން ވަނީ އެއްބަސްވުމެއްގައި ސޮއިކުރަން ބޭނުންނުވުމުގެ ސަބަބުން ޑިމޮކްރެޓްސްއިން ޕީޕީއެމާ އެކު ކުރި މަޝްވަރާތައް ހުއްޓާފައިވާ ކަމަށް ވެސް ބުނެފައެވެ.
Advertisement
This content is created and paid for by advertisers and does not involve Voice Journalists
