ބޯޓުފަހަރު ބަނުމުގެ މަސައްކަތް ކުރުމަށް ދިވެހިންނަށް ޚާއްސަ އަހަމިއްޔަތުކަމެއް ދެއްވާނެކަމަށް އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ.
ރިޔާސީ އިންތިހާބުގެ ދެވަނަބުރުގެ ކެމްޕެއިންގައި މިއަދު ރ އިންނަމާދޫއަށް ވަޑައިގެން އެރަށުގެ ސަޕޯޓަރުންނާއި ބައްދަލުކުރައްވާ ދެއްކެވި ވާހަކަފުޅުގައި ޑރ މުއިއްޒު ވަނީ މިހާރުގެ ސަރުކާރުން މަސައްކަތްތެރިކަމުގައި ބޮޑު އަހަންމިއްޔަތުކަމެއް ދެނީ ބިދޭސީންނަށްކަން ފާހަގަކުރައްވައިފައެވެ.
އެގޮތުން އިންނަމާދޫ ފިޔަވައި ބޯޓުފަހަރު ބަނުމުގެ މަސައްކަތް ކުރާ އެހެން ރަށްރަށަށްވެސް ސަރުކާރުން މާބޮޑު އަހައްމިއްޔަތުކަމެއް ނޫދޭކަމަށާއި ސަރުކާރުން އިސްކުރަނީ އެ މަސައްކަތް ކުރާ ބޭރުގެ ފަރާތްތަކަށް ކަމުގައި ޑރ މުއިއްޒު ވަނީ ވިދާޅުވެފައެވެ.
އެހެންކަމުން އަޅުގަނޑުގެ ވެރިކަމެއްގައި ބޯޓު ބިލްޑިންގ ގެ މަސައްކަތް ކުރާ ދިވެހީންނަށް ޚާއްސަ އަހަމިއްޔަތުކަމެއް ދޭނަން
ޑރ މުހައްމަދު މުއިއްޒު
އޭގެ އިތުރުންވެސް އިންނަމާދޫ ރައްޔިތުންގެ ބޮޑު ކަންބޮޑުވުމެއް ކަމަށްވާ ސްކޫލްގެ ހިދުމަތްތައް ރަނގަޅު ކޮށްދެއްވާނެ ކަމަށާއި ސުކޫލުގައި އިތުރު އިމާރާތެއް ޤާއިމްކޮށް، ސްކޫލް ދަރިވަރުންނަށް ބޭނުންވާ ތަކެތި ހޯދައިދެއްވާނެ ކަމަށް ވެސް ޑރ މުއިއްޒު ވަނީ ވިދާޅުވެފައެވެ.
އިތުރު ކަމަކަށް މުއިއްޒު ފާހަގަކުރެއްވީ އިންނަމާދޫ ސިއްހީ މަރުކަޒަށް ޖާގަ ހަމަޖައްސާ ބަލިމީހުންނަށް ފަރުވާދޭނެ އެންމެ ފެންވަރު ރަނގަޅު އެއް ސިއްހީ މަރުކަޒެއްގެ ގޮތުގައި ހައްދަވާ ދެއްވުމުގެ ވައުދެކެވެ. އަދި މ އޭޓީއެމް އަކީ އެރަށަށް މިހާރު އެންމެ ބޭނުންވާ އެއް ތަން ކަމަށް ވިދާޅުވެ، އޭޓީއެމެއް ގާއިމްކޮށްދެއްވާނެކަމަށް ވެސް ޑރ މުއިއްޒުގެ ވާހަކަފުޅުގައި ވަނީ ވިދާޅުވެފައެވެ.
މީގެ އިތުރުން މުއިއްޒު ވަނީ ފުރަތަމަ ބުރުގައި އިންނަމާދޫ ރައްޔިތުން ދެއްވި އެއްބާރުލުން ފާހަގަކޮށް ދެވަނަ ބުރުގައި ވެސް ކާމިޔާބު ކޮށްދެއްވާނެކަމަށް އުންމީދުކުރާ ކަމަށް ވެސް މުއިއްޒު ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
