މުދަލުގެ މާކެޓިންގ ނުވަތަ ޓްރޭޑް މާކެއްގެ ގޮތުގައި ސަޢުދީޢަރަބިއްޔާގެ ދިދަ ބޭނުން ކުރުން އެޤައުމުގެ ސަރުކާރުން މަނާކޮށްފިއެވެ.
23 ސެޕްޓެމްބަރ ވީ ދުވަހު ފާހަގަ ކުރެވުނު އެ ޤައުމުގެ 93 ވަނަ ޤައުމީ ދުވަހާއި ގުޅިގެން އެ ސަޢުދީ ސަރުކާރުން ވަނީ އެޤައުމުގެ ދިދަ ބޭނުން ކުރެވޭނެ ވަކި އުސޫލު ތަކެއް ކަނޑައަޅައިފައެވެ.
އެގޮތުން ސަޢުދީގެ ދިދަ އެއްވެސް އެއްޗެއް އުފުލުމަށް ނުވަތަ އެއްވެސް އެއްޗެއް އެއްސުމަށް ބޭނުން ކުރުން ވަނީ މަނާކޮށްފައެވެ. އަދި ކުލަ ވެއްޓި ބާވެފައި ހުންނަ ދިދަ ނަގައި އެވުހުރުވުންވެސް ވަނީ މަނާކޮށްފައެވެ.
އެއްވެސް ބާވަތެއްގެ މާކެޓިންގ އަށް ނުވަތަ އިސްތިހާރަކަށް ސަޢުދީގެ ދިދަ ބޭނުން ކޮށްގެން ނުވާނެ ކަމަށާއި، އެއްވެސް ކަހަލަ ޖަނަވާރެއްގެ ހަށިގަނޑުގައި ސަޢުދީގެ ދިދަ ޕްރިންޓް ކުރެވިފައި ހުރެގެން ނުވާނެ ކަމަށްވެސް ބުނެފައިވެއެވެ.
ހަމަމިއާއި އެކު ހަޑިވެ ހަލާކުވާފަދަ ތަނެއްގަ ވެސް އެދިދަ ބެހެއްޓިފައި ހުރެގެން ނުވާނެ ކަމަށާއި، އަދި އެއްފަހަރު ބޭނުން ކުރުމަށްފަހު އުކާލާ އެއްޗިއްސަށް ދިދަ ޕްރިންޓް ކުރުމާއި ދިދައަށް އިހާނެތި ވާފަދަ އެއްވެސް ކަމެއް ކުރުން ވަނީ މަނާކޮށްފައެވެ.
ދިދައިގައި އެއްވެސް ކަހަލަ ލޯގޯ އެއް ނުވަތަ އިތުރު ބަހެއް ލިޔެގެން ނުވާނެ ކަމަށާއި، އަދި އިތުރު އެއްޗެހި ބޭނުން ކޮށްގެން ދިދަ ޖަރީކޮށް ހެދުންވެސް ވަނީ މަނާކޮށްފައެވެ.
އެކޮޅުކޮޅުން ސަޢުދީގެ ދިދަ އުފުލުންވެސް ވަނީ މަނާކޮށްފައެވެ.
ސަޢުދީގެ ދިދަ ނުވަތަ ދެ ޙަރަމްގައި ނެގިފައިވާ ދިދަ ބަދަނޑިއަށް ތިރި ކުރެވިގެން ނުވާނެ ކަމަށާއި،ބިމުގައި ނުވަތަ ފެނުގައި ޖެހެ ގޮތައް ދިދަ ތިރިކުރެވިފައި ހުރެގެން ނުވާނެ ކަމަށްވެސް މި އުސޫލުތަކުގައި ބުނެފައިވެއެވެ.
Advertisement
This content is created and paid for by advertisers and does not involve Voice Journalists
