ވެލާނާ އިންޓަރނޭޝަނަލް އެއަރޕޯޓްގެ ތަރައްގީގެ ޕްލޭންތައް މޯލްޑިވްސް އެއަރޕޯޓްސް ކޮމްޕެނީ (އެމްއޭސީއެލް) އިން ޖީއެމްއާރާއި ހިއްސާކޮށްފި ކަމަށް ރާއްޖޭގެ ބައެއް މީޑިއާތަކުން ރިޕޯޓްކޮށްފިއެވެ.

ގޮތުން އެއާޕޯޓް ތަރައްޤީ ޕްލޭން ގެ މައުލޫމާތު ހިއްސާކޮށްފައިވަނީ ޖީއެމްއާރުގެ އެއަރޕޯޓްތައް ބަލަހައްޓާ އިސްވެރިޔާ ބީ ސިރިޕަތީއާކަމަށް ބުނެއެވެ.

މީޑިއާ މިރިޕޯޓްތައް ބުނާގޮތުން އެއާޕޯޓްގެ މައުލޫމާތު ދިނުމުގެ ކަންކަން ކޮށްފައިވަނީ އިކޮނޮމިކް މިނިސްޓްރީގެ ދަށުން ނެވެ. އެބައްދަލުވުމުގައި އެއާރޕޯޓްގައި ހިނގާ ޕްރޮޖެކްޓްތަކުގެ ކުރެހުންތަށް ވެސް ދައްކާފައިވާކަމަށް ބުނެއެވެ.

އެކަމަކު މިމައްސަލައިގެ ހަގީގަތް އޮޅުންފިލުވުމަށް ވޮއިސްއިން ކުރި މަސއްކަތުގައި އެމްސީއެލް އަދި އިކޮނޮމިކް މިނިސްޓްރީގެ އޮފިޝަލަކާ ގުޅަންއުޅެ ފޯނަށް ޖަވާބު ނުދެއްވާތީ ސާފެއް ނުވިއެވެެ.

ބައެއް މީޑިއާ ތަކަށް މައުލޫމާތު ދެއްވަމުން އެމްއޭސީއެލްގެ އިސްބޭފުޅަކު ވިދާޅުވެފައިވަނީ އެއާރޕޯޓްގެ އެއްވެސް އޮފީހަކަށް ސިރިޕަތީ ވަދެފައިނުވާކަމަށެވެ. ނަމަވެސް އެއާރޕޯޓްގެ ވީއައިޕީ ލައުންޖުގެ ތެރެއިން ބައެއް ފަހަރު ފުރަން އައިސް އިންނަ އިރު އޭނާ ފެންނަ ކަމަށްވެސް އެބޭފުޅާ ވިދާޅުވެފައި ވެއެވެ.