ދިވެހިރާއްޖެއިން މީހުން ޢުމްރާއަށް ގެންދިޔުމަށް ޝައުޤުވެރިވާ ފަރާތްތަކަށް ޕްރޮޕޯސަލް ހުށައެޅުމަށް އިސްލާމިކް މިނިސްޓްރީ އިން ހުޅުވައިލައިފިއެވެ.
އިސްލާމިކް މިނިސްޓްރީ އިން ބުނެފައިވަނީ މިފުރުސަތު ހުޅުވާލާފައިވަނީ 24 އޮކްޓޯބަރު 2023ގެ ނިޔަލަށްކަމަށެވެ. އަދި މިއީ މިއަހަރު މިފުރުސަތު ހުޅުވައިލެވޭ ދެވަނަ ފަހަރު ކަމަށްސް އެމިނިސްޓްރީ އިން ބުނެފައިވެއެވެ.
ދިވެހިރާއްޖެއިން ޢުމްރާއަށް މީހުން ގެންދިޔުމުގެ ހުއްދަ، ޢުމްރާއަށް މީހުން ގެންދިޔުމަށް ހުށަހަޅާ ކުންފުނިތަކުގެ ތެރެއިން ޝަރުތު ހަމަވާ ކުންފުނިތަކަށް ދެވޭނެކަމަށް ބަޔާންކޮށްފައިވާއިރު، ހުއްދައަށް ހުޅުވާލުމާއެކު މިހާރު ހުއްދައިގެ މުއްދަތު ހަމަވެފައިވާ ކުންފުނިތަކާއި، ނޮވެމްބަރު މަހަށް މުއްދަތު ހަމަވާ ކުންފުނިތަކަށް ހުއްދައަށް އެދި ހުށަހެޅުމުގެ ފުރުސަތު އޮންނާނެ ކަމަށް އިސްލާމިކް މިނިސްޓްރީ އިން ބުނެއެވެ.
ޝަރުތު ހަމަވާ ކުންފުނިތަކަށް ހުއްދަ ދެވޭނީ 2 އަހަރުދުވަހަށް ކަމަށާއި، ޢުމްރާއަށް މީހުންގެ ގެންދިއުމުގެ ހުއްދައަށް އެދި ހުށަހަޅަންޖެހޭ ޕްރޮޕޯސަލް ފޮތް، މިނިސްޓްރީގެ ވެބްސައިޓުން ލިބޭނެ ކަމަށްވެސް އެމިނިސްޓްރީ އިން ބުނެފައިވެއެވެ.
ޕްރޮޕޯސަލް ބަލައިގަތުން ހަމަޖެހިފައިވަނީ 08 އޮކްޓޯބަރު 2023ވާ އަންގާރަ ދުވަހުން ފެށިގެން 24 އޮކްޓޯބަރު 2023ގެ ނިޔަލަށް، އެމިނިސްޓްރީގެ ކައުންޓަރުން ކަމަށްވެސް އިސްލާމިކް މިނިސްޓްރީ އިން ވަނީ ބުނެފައެވެ. .
Advertisement
This content is created and paid for by advertisers and does not involve Voice Journalists
