ވޯޓުކަރުދާސް ނޫން އެހެން އެއްވެސް އެއްޗެއް ވޯޓު ފޮށްޓަށްލުމަކީ މަނާ ކަމެއް ކަމަށާ، އޭގެ އަދަބެއްގެ ގޮތުން ޖަލަށް ލެވޭނެ ކަމަށް އިލެކްޝަންސް ކޮމިޝަންސް (އީސީ) ގެ ނައިބު ރައީސް އިސްމާއީލް ހަބީބް ވިދާޅުވެއްޖެއެވެ.
ހަބީބު ކުރެއްވި ޓުވީޓެއްގައި ވިދާޅުވީ، ގާނޫނީ ގޮތުން ހުއްދަ ވޯޓުކަރުދާސް ނޫން އެހެން އެއްވެސް އެއްޗެއް ވޯޓުފޮށްޓަށްލުމަކީ މަނާކަމެއް ކަމަށެވެ. އަދި އޭގެ އަދަބެއްގެ ގޮތުން ދެ މަސް ދުވަހާއި 6 މަސް ދުވަހަށް ޖަލަށް ލެވޭނެ ކަމަށާ، ނުވަތަ 2 ހާސް ރުފިޔާއާއި 6 ހާސް ރުފިޔާއާއި ދެމެދުގެ އަދަދަކުން ޖޫރިމަނާ ކުރެވޭނެ ކަމަށް ހަބީބު ވިދާޅުވި އެވެ.
މީގެ އިތުރުން ހަބީބް ވިދާޅުވީ ވޯޓު ދިނުމަށް ދަތިކުރުން ނުވަތަ ހުރަސްއެޅުމަކީވެސް މަނާކަމެއް ކަމަށެވެ.
އަދި ވޯޓު ދިނުމަށް ހުރަސް އަޅާނަމަ 4 މަހާއި 1 އަހަރާއި ދެމެދުގެ މުއްދަތަކަށް ޖަލަށްލުން ނުވަތަ އަދަބެއްގެ ގޮތުގައި 4 ހާސް ރުފިޔާއާއި 12 ހާސް ރުފިޔާއާއި ދެމެދުގެ އަދަދަކުން ޖޫރިމަނާ ކުރެވޭނެ ކަމަށްވެސް ހަބީބް ވިދާޅުވެފައިވެއެވެ.
Advertisement
This content is created and paid for by advertisers and does not involve Voice Journalists
