ޢަދާލަތު ޕާޓީ އިން އޮތީ ފުރަތަމަ ބުރެކޭ އެއްގޮތައް ރައީށް އިބްރާހިމް މުޙައްމަދު ޞާލިޙާއި އެކުގައި ކަމަށް ޢަދާލަތު ޕާޓީ އިން ބުނެފިއެވެ.
އެޕާޓީގެ ރަސްމީ ޓްވިޓަރ އެކައުންޓުން ކޮށްފައިވާ ޓްވީޓެއްގައި ބުނެފައިވަނީ ގުޅޭ ގޮތުން އެޕާޓީއިން ނިންމާފައިވާ ގޮތައް ރައީސް ޞާލިޙަށް ތާއީދު ކުރުން މަތީގައި ތިބުމަށް ނިންމައިފައިވާ ކަމަށެވެ.
" ޢަދާލަތު ޕާޓީގެ މަޝްވަރާ މަޖިލީހުން 2023 ވަނަ އަހަރުގެ ރިޔާސީ އިންތިޚާބާ ގުޅޭގޮތުން ނިންމާފައިވާ ނިންމުމާ އެއްގޮތަށް ރިޔާސީ އިންތިޚާބުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް ތާޢީދުކުރުންމަތީ ޢަދާލަތު ޕާޓީއިން ސާބިތުކަމާއެކީ ދެމިއޮތް ވާހަކަ ދަންނަވަން" ޢަދާލަތު ޕާޓީ އިން ބުނެފައިވެއެވެ.
މީގެ އިތުރަށް މާތް اللهގެ އިރާދަފުޅާއެކު މި އިންތިޚާބު ކާމިޔާބުކުރުމަށްޓަކައި ކުރަންޖެހޭ އެންމެހާ މަސައްކަތްތައް އެމްޑީޕީއާއި ރައީސް ޞާލިޙަށް ތާޢީދުކުރައްވާ އެންމެހާ ފަރާތްތަކާއެކުގައި އެ ޕާޓީއިން ކުރާނެ ކަމަށް އެޕާޓީ އިން ވަނީ ބުނެފައެވެ.
ރޭގެ ވަރަށް ދަންވި ފަހުން ޢަދާލަތު ޕާޓީ އިން މި ޓުވީޓް ކޮށްފައިވާއިރު ރިޔާސީ އިންތިޚާބު 2023 އަށް އެމްޑީޕީ އާއި އެކު ކޯލިޝަން ހެދި އެމްޑީއޭ އިން ވަނީ ކޯލިޝަން އުވައިލައި ރައީސް ޞާލިޙަށް ކުރި ތާއީދު އަނބުރައި ގެންގޮސްފައެވެ.
އެހެން ކަމުން މިހާރު އެމްޑީޕީގެ ކޯލިޝަންގައި ހިމެނެނީ ޢަދާލަތާއި އެމްޑީޕީ އެކަންޏެވެ.
Advertisement
This content is created and paid for by advertisers and does not involve Voice Journalists
