ރިޔާސީ އިންތިޚާބުގެ ދެވަނަ ބުރަށް ބޭނުންވަ ވޯޓު ކަރުދާހާއި ފޮށިތައް ރަށްރަށް ފޮނުވުމުގެ މަސައްކަތް ފެށިފައިވާ ކަމަށް އިލެކްޝަންސް ކޮމިޝަނުން ބުނެފިއެވެ.

އެކޮމިޝަންގެ ނައިބު ރައީސް އިސްމާއިލް ޙަބީބް ވިދާޅުވީ ރިޔާސީ އިންތިޚާބު 2023 ގެ ދެވަނަ ބުރުގެ ވޯޓުލާ މަރުކަޒުތަކަށް ފޮނުވަންޖެހޭ ވޯޓުކަރުދާހާއި އެހެނިހެން ތަކެތި، މާލެއަތޮޅު ފިޔަވައި އެހެން ހުރިހާ އަތޮޅުތަކަށް، މިއަދު ހެނދުނު ފުރުވާލައިފިކަމަށެވެ.

އޭގެ އިތުރަށް ޙަބީބް ވިދާޅުވީ މާލެ އަތޮޅުގެ ރަށްރަށަށް ފޮނުވަން ޖެހޭ ވޯޓު ފޮށިތަކާއި ވޯޓު ކަރުދާސްތައް ފޮނުވާނީ މާދަމާކަމަށް ވެސް ޙަބީބް ވިދާޅުވިއެވެ.

Advertisement

ޙަބީބް ވިދާޅުވީ ވޯޓުކަރުދާހާއި ވޯޓުލާ މަރުކަޒުތަކަށް ފޮނުވަންޖެހޭ ތަކެތި ފޮނުވަނީ، ދިވެހި ފުލުހުންގެ ޚިދުމަތުގެ ބެލުމުގެ ދަށުން އެންމެމަތީ ސަލާމަތާއި ރައްކާތެރިކަން ކަށަވަރު ކުރުމާއެކުކަމަށެވެ.

އަދި އަތޮޅުތަކަށް ފޮނުވޭ ތަކެތި، މާދަމާ ހެނދުނުން ފެށިގެން، އަތޮޅުގެ އެހެން ހުރިހާ ރަށަކަށް ފޮނުވޭނެ ކަމަށްވެސް ޙަބީބް ވިދާޅުވިއެވެ.