ރައްޔިތުންގެ މަޖިލިހުގެ ރައީސް އަދި ކުރީގެ ރައީސް މުހައްމަދު ނަޝީދު ވޯޓުލައްވައިފިއެވެ. 

އިލެކްޝަންސް ކޮމިޝަން (އީސީ) އިން އާންމުކޮށްފައިވާ މައުލޫމާތަށް ބަލާއިރު، މިއަދު އެކެއް ޖެހުމާ ހަމައަށް 149،524 މީހުން ވަނީ ވޯޓުލާ ފައެވެ. އެއީ ވޯޓުލެވޭ މީހުންގެ %52.87 މީހުން ކަމަށްވާއިރު މިހާރު ވޯޓު ނުލާ ތިބީ 133،280 މީހުންނެވެ. އެއީ %47.13 މީހުންނެވެ.

މިހާތަނަށް އައިއިރު ވޯޓުލާފައި ވަނީ 73،234 އަންހެނުންނާއި 76،290 ފިރިހެނުންނެވެ. 

Advertisement

ރިޔާސީ އިންތިޚާބުގެ ދެވަނަ ބުރުގައި ވޯޓްލުމުގެ ހައްޤު ލިބިފައިވާ މީހުންގެ ޢަދަދަކީ 282،804 މީހުންނެވެ. ލަންޑަންގެ ވޯޓު ފޮއްޓާއި އަބޫދާބީގެ ފޮށިނޫން އެހެން ހުރިހާ ފޮއްޓެއްގެ ވޯޓް ލުން 8:00 ފެށިގެން ގޮސްފައިވާއިރު ވޯޓް ކިޔު ބަންދު ކުރާނީ 5:00 ގައެވެ.

އީސީ އިން ބުނެފައިވައިވަނީ ސަބަބެއް މެދުވެރިވެގެން ވޯޓް ލުން ލަސްކޮށް ފެށުނު ނަމަވެސް ވޯޓް ކިޔު ބަންދު ކުރާ ވަގުތު ފަސް ނުކުރާނެ ކަމަށެވެ.