އިދިކޮޅު ޕާޓީގެ ގޮތުގައި ސަރުކާރު ޖަވާބުދާރީ ކުރުވުމުގައި ދެމި އޮންނާނެ ކަމަށް އެމްޑީޕީގެ ޗެއަރޕާސަން  އަދި މި ސަރުކާރުގެ އިކޮނޮމިކް މިނިސްޓަރ ފައްޔާޒް އިސްމާއިލް ވިދާޅުވެއްޖެއެވެ.

އިންތިޚާބު ކާމިޔާބު ކުރެއްވުމާއި ގުޅިގެން ޕީއެންސީ/ޕީޕީއެމްގެ ރިޔާސީ ކެންޑިޑޭޓަށް މަރުޙަބާ ދަންނަވައި ކުރެއްވެވި ޓްވީޓެއްގައި ފައްޔާޒު ވިދާޅުވެފައި ވަނީ އެމްޑީޕީ ގެ ނަމުގައި ރައީސް ކަމަށް އިންތިޚާބު ވެވަޑައިގަތް ޑރ މުޙައްމަދު މުޢިއްޒަށާއި ނައިބު ރައީސް ކަމަށް އިންތިޚާބުވެ ވަޑައިގަތް ހުސެއިން މުޙައްމަދު ލަޠީފަށް މަރުޙަބާ ދަންނަވައިފައެވެ.

https://twitter.com/faya_i/status/1708182933344030826?t=2QQeYF3NOYOIgIHFfiux4w&s=19
ފައްޔާޒު އިތުރަށް ވިދާޅުވެފައިވަނީ އިދިކޮޅު ޕާޓީގެ ގޮތުގައި ޒިންމާދާރު ކަމާއި އެކު އެމްޑީޕީ ދެމި އޮންނާނެ ކަމަށެވެ.

Advertisement

އިއްޔެ ބޭއްވުނު ރިޔާސީ އިންތިޚާބުގެ ދެވަނަ ބުރުގައި މިހާރުގެ ރައީސް އިބްރާހިމް މުޙައްމަދު ޞާލިޙާއި އިންތިޚާބީ ރައީސް ޑރ މުޙައްމަދު މުޢިއްޒު ވާދަކުރައްވައި ބޮޑު އަޣްލަބިއްޔަތަކުން ޑރ މުޢިއްޒު ވަނީ އިންތިޚާބު ކާމިޔާބު ކުރައްވައިފައެެވެ.

އެއާއި އެކު ރައީސް ޞާލިޙް ވަނީ ބަލި ޤަބޫލު ކުރައްވައި ޑރ މުޢިއްޒަށް މަރުޙަބާ ވިދާޅުވެފައެވެ.