ކުރީގެ ރައީސް އަދި ޕީޕީއެމްގެ ލީޑަރ ރައީސް ޔާމީން އަބްދުލްގައްޔޫމް މިއަދު ގެއަށް ބަދަލުކުރާ ގޮތަށް ހަމަޖެހިއްޖެއެވެ.
މައުލޫމާތު ލިބިފައިވާ ގޮތުގައި އެމަނިކުފާނު ގެއަށް ބަދަލު ކުރުމަށް ހަމަޖެހިފައިވަނީ މިއަދު މެންދުރު ފަހުގެ ވަގުތެއްގައެވެ. އަދި މިހާރު އެމަނިކުފާނު ގެއަށް ބަދަލު ކުރުމުގެ ކަންކަން ކުރިއަށްދާ ކަމަށްވެސް މައުލޫމާތު ލިބެއެވެ. މިކަން ޕީޕީއެމްގެ ތަރުޖަމާނު މުހައްމަދު ތޮލާލް ވެސް ވަނީ މީޑިއާތަކަށް ކަށަވަރު ކޮށްދެއްވާފައެވެ.
އެހެންކަމުން ޕީޕީއެމްގެ ގިނަ ސްޕޯޓަރުން އަންނަނީ އެކަމަށް ތައްޔާރުވެ ދިވެހީންގެ ޖަގަހަ އަށް އެއްވަމުންނެވެ. އެގޮތުން އެމަނިކުފާނުގެ އަނބިކަނބަލުން ވެސް މިވަގުތު ހުންނެވީ އެ ޖަގަހައިގައެވެ.
ރައީސް ޔާމީން ގެއަށް ބަދަލު ކުރައްވާތީ އަނބިކަނބަލުންނާ ސަޕޯޓަރުން ދިވެހީންގެ ޖަގަހައިގައި--
ރައީސް ޔާމީން ގެއަށް ބަދަލު ކުރުމުގެ މަސައްކަތް ފަށްޓަވާފައިވާއިރު، އިއްޔެ ބޭއްވުނު ރިޔާސީ އިންތިހާބުގެ ދެވަނަ ބުރުގެ ވޯޓު ކާމިޔާބުވެވަޑައިގެން ދިވެހި ރާއްޖޭގެ ރައީސުލްޖުމްހޫރިއްޔާ ކަމުގެ މަގާމަށް ކުރިއަށް އޮތް 5 އަހަރަށް ހޮވިވަޑައިގެން އިދިކޮޅު ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒުއަށް އިންތިހާބު ކާމިޔާބުވެވަޑައިގަތުމަށްފަހު ބޭއްވި ފުރަތަމަ ނޫސްވެރިންގެ ބައްދަލުވުމުގައި އެންމެ ފުރަތަމަކަށް ޕީޕީއެމް ލީޑަރ އަދި ކުރީގެ ރައީސް ޔާމީނު އަބްދުލްގައްޔޫމް ގެއަށް ބަދަލު ކުރެއްވުމަށް ވަނީ ގޮވާލައްވަާފައެވެ.
"އަޅުގަނޑު މި ދަނޑިވަޅުގައި ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙަށް ވަރަށް އިޚްލާސްތެރިކަމާއި އަދަބުވެރިކަމާއި އެކީގައި ދަންނަވާލަން އަޅުގަނޑުމެންގެ ލޮބުވެތި ރައީސް ރައީސް ޔާމީން ގެއަށް ބަދަލުކޮށްދެއްވުމަށް" ރޭގެ ނޫސްވެރިންގެ ބައްދަލުވުމުގައި މުޢިއްޒު ވިދާޅުވިއެެވެ.
ޑރ. މުއިއްޒު ވިދާޅުވީ ލިބުނު ކާމިޔާބީއާއި އެކު، އަވަސްވެގަންނާނީ ރައީސް ޔާމީން މިނިވަން ކުރުމަށް ކަމަށެވެ.
Advertisement
This content is created and paid for by advertisers and does not involve Voice Journalists
