Advertisement
އިންޑިޔާގެ ބޮޑު ވަޒީރު މޯދީގެ މަރުޙަބާ، އިންތިޚާބީ ރައީސް، މުޢިއްޒަށް
އިންޑިޔާގެ ބޮޑު ވަޒީރު ނަރެންދްރަ މޯދީ ދިވެހިރާއްޖޭގެ އިންތިޚާބީ ރައީސް ޑރ މުޙައްމަދު މުޢިއްޒަށް މަރުޙަބާ ދަންނަވައިފިއެވެ.
މޯދީ ކުރި ޓްވީޓެއްގައި ވަނީ އިންތިޚާބު ކާމިޔާބު ކުރެއްވި ކަމަށްޓަކައި ޑރ. މުޢިއްޒަށް މަރުޙަބާ ދަންނަވައިފައެވެ.
މޯދީ އިތުރަށް ވިދާޅުވެފައިވަނީ އިންޑިޔާ އާއި ރާއްޖޭގެ ޒަމާންވީ ބަދަހި ގުޅުން އިތުރަށް ވަރުގަދަކޮށް އިންޑިޔާ ކަނޑުގެ ސަރަހައްދުގައި ދެ ޤައުމުގެ ގުޅުން އިތުރަށް ވަރުގަދަކުރުމުގައި ދެމި އޮންނާނެ ކަމަށެވެ.
މޯދީ ޑރ މުޢިއްޒަށް މަރުޙަބާ ދަންނަވައިފައިވާއިރު ޗައިނާއިން ވެސް ވަނީ ޑރ މުޢިއްޒަށް މަރުޙަބާ ދަންނަވައިފައެވެ.
ޑރ މުޢިއްޒު އިންތިޚާބު ކާމިޔާބު ކުރައްވައިފައިވަނީ މިހާރުގެ ރައީސް ރައީސް އިބްރާހިމް މުޙައްމަދު ޞާލިޙާއި ވަދަކުރައްވައި ބޮޑު އަޣްލަބިއްޔަތަކުންނެވެ.
ޑރ މުޢިއްޒު ހޯއްދެވި ކާމިޔާބަށް ރައީސް ޞާލިޙް ވަނީ މަރުޙަބާ ދަންނަވައިފައެވެ. އަދި ބަލި ޤަބޫލު ކުރައްވާކަމަށްވެސް ވަނީ ވިދާޅުވެފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
