ކުރިއަށް އޮތް ތަނުގައި ޢަދާލަތު ޕާޓީގެ ޢިލްމުވެރިންގެ މަޖިލީހުގެ ދައުރު އިތުރަށް ފުޅާ ކުރާނެ ކަމަށް ޢަދާލަތު ޕާޓީގެ ރައީސް އަދި މިސަރުކާރުގެ ހޯމް މިނިސްޓަރު ޢިމްރާން ޢަބްދުالله ވިދާޅުވެއްޖެއެވެ.

ޢިމްރާން މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.

ޢިމްރާން ވިދާޅުވީ މާތް الله ގެ ވާގިފުޅާއެކު ޢަދާލަތު ޕާޓީގެ މަޤްސަދުތައް ޙާސިލް ކުރުމުގެ މަސައް ކަތް ޕާޓީގެ ގުނަވަންތަކުން ހިތްވަރާއެކު ބާރަށް ކުރިޔައް ގެންދާނެކަމަށެވެ.

ރޭ ޢަދާލަތު ޕާޓީއިން ވަނީ ނިމިދިޔަ ރިޔާސީ އިންތިޚާބުގެ ކެމްޕޭނުގައި ހަރަކާތްތެރިވި އެޕާޓީގެ މެންބަރުނާއި އެކު ބައްދަލުވުމެއް ބާއްވައިފައެވެ.

އެހަފްލާގައި އަތޮޅުތަކުގެ ޓީމް ތަކާއި އެޕާޓީގެ އެކި ޓީމް ތަކުން ކެމްޕޭނުގެ ތެރޭގައި ކުރެއްވެވި މަސައްކަތަށް ޝުކުރު އަދާކޮށްފައިވެއެވެ.