ބަރުލަމާނީ ނިޒާމަށް ތާއީދު ނުކުރުމަށް އެމްޑީޕީގެ ޤައުމީ މަޖިލީހުން ނިންމައިފިއެވެ.

އެމްޑިޕީއިން ރޭ ބޭއްވި ޤައުމީ މަޖިލީހުން ރޭ ބޭއްވި ބައްދަލުވުމުގައި  ބަރުލަމާނީ ނިޒާމަށް ތާއީދު ނުކުމަށް ނިންމައިފައިމިވަނީ ދަ ޑިމޮކްރެޓްސް އިން ވެރިކަމުގެ ނިޒާމު ބަދަލު ކުރުމަށް ވޯޓު ނެގުމަށް ރައްޔިތުންގެ މަޖިލީހަށް ހުށައަޅައިފައިވަނިކޮށެވެ.

ރޭ ބޭއްވުނު އެމްޑީޕީގެ ޤައުމީ މަޖިލީހުގެ ޖަލްސާގައި އެމްޑީޕީގެ މެމްބަރުން ވަނީ ރާއްޖޭގެ ވެރިކަން ކުރާ ނިޒާމެއްގެ ގޮތުން ބަރުލަމާނީ ނިޒާމް ގެނައުމާއި ދެކޮޅަށް ވާހަކަދައްކަވައިފައެވެ.

އެގޮތުން ރައީސް އިބްރާހިމް މުޙަމަދު ޞާލިޙް ވެސް ވަނީ ބަރުލަމާނީ ނިޒާމު ގެނައުމަށް ނުފެންނަ ކަމަށް ވިދާޅުވެ ވާހަކަދައްކަވައިފައެވެ. އެގޮތުން އެމަނިކުފާނު ވިދާޅުވީ ދެ ނިޒާމުގައި ވެސް ރަނގަޅު ކަންކަމާއި، ގޯސްކަންކަން އެބަހުރި ކަމަށާއި އެކަމަކު ރާއްޖެ އަށް އެންމެ ރަނގަޅީ ރިޔާސީ ނިޒާމު ކަމަށެވެ. އަދި އެކަން ނިންމަން އާއްމު ވޯޓަކަށް ގޮސްފި ނަމަ ރިޔާސީ ނިޒާމަށް ތާއީދު ހޯދުމަށް ޢަމަލީ ގޮތުން ނުކުންނަވާނެ ކަމަށް ވެސް ރައީސް ވިދާޅުވި އެވެ.

އެމްޑީޕީގެ ޤައުމީ މަޖިލީހުން ބަރުލަމާނީ އަސް ނޫނެކޭ ބުނެފައިވަނީ ޖަލްސާގައި ބައިވެރިވެ ވަޑައިގެންނެވި ބޭފުޅުންގެ ތެރެއިން 90 މެމްބަރުންގެ ވޯޓާއި އެކުއެވެ.