ހިއުމަން ރައިޓްސް ކޮމިޝަން (އެޗްއާރުސީއެމް)ގެ ހުސްވެފައިވާ މަޤާމަށް ކުރިމަތިލާން ފުރުސަތު ހުޅުވާލައިފިއެވެ.

އެޗްއާރުސީއެމްގެ މެންބަރުކަމަށް ކުރިމަތިލާން ހުޅުވައިލާ ރައީސުލްޖުމްހޫރިއްޔާގެ އޮފީހުން މިއަދު ކުރި އިއުލާނު ގައި ބުނީ، ހިއުމަން ރައިޓްސް ކޮމިޝަނުގެ މެންބަރުކަމުގެ ފޯމު ބަލައިގަތުމަށް ހަމަޖެހިފައިވަނީ، 2023 އޮކްޓޫބަރު 15 އަދި 16 ވަނަ ދުވަހު ހެނދުނު 09:30 އިން މެންދުރުފަހު 12:30 އަށް، ރައީސުލްޖުމްހޫރިއްޔާގެ އޮފީހުން ކަމަށެވެ. 

އަދި އެ ކޮމިޝަނުގެ މެންބަރުކަމަށް ކުރިމަތިލުމަށް އެދޭ ފޯމު ރައީސުލްޖުމްހޫރިއްޔާގެ އޮފީހުގެ ވެބްސައިޓުން ޑައުންލޯޑް ކުރެއްވޭނެ ކަމަށްވެސް ބުނެފައިވެއެވެ. 

އެޗްއާރްސީއެމްގެ މެންބަރެއްގެ މަގާމު ހުސްވެރފައިވަނީ މީގެ ކުރިން އެ މަގާމުގައި ހުންނެވި، އެ ކޮމިޝަންގެ ނާއިބު ރައީސް އަދުހަމު މަޤާމުން އިސްތިއުފާދެއްވުމާއި ގުޅިގެންނެވެ.

އަދުހަމް އިސްތިއުފާ ދެއްވާފައި ވަނީ އޮފީހަށް ނިކުމެވަޑައިނުގެން އޮސްޓްރޭލިއާގައި ދިރިއުޅުއްވާތާ 4 މަހެއްހައި ދުވަސް ފަހުންނެވެ. 

މިވަގުތު އެޗްއާރުސީއެމްގެ މެންބަރުންގެ ގޮތުގައި ތިއްބެވީ ކޮމިޝަނުގެ ރައީސް މަރިޔަމް މުނާ ހިމެނިވަޑައިގަންނަވާ ގޮތުން 4 މެންބަރުންނެވެ. އެއީ މުއުމިނާ ވަހީދާއި، ޝިފާއަތު އަބްދުއްރައްޒާގާއި ސަމާއު އަހްމަދު ނަޖީބެވެ.