ރާއްޖޭގެ ރިސޯޓް ދާއިރާގައި ބާއްވާ އެންމެ ބޮޑު ކުޅިވަރު ހަރަކާތް، ރިސޯޓް ލީގު ފުޓްސަލް މުބާރާތުގެ ސައުތު މާލޭ ޒޯން ގުރޫޕް އޭގައި މިއަދު ހަވީރު ކުޅެވުނު ދެވަނަ 9-1 ގެ ނަތީޖާއަކުން ކޯމޯ ކޮކޯ އައިލެންޑް ބަލިކޮށް ވެލައްސަރު މޯލްޑިވްސް އިން މުބާރާތް ނިންމާލީ މޮޅަކާއެކު އެވެ.

މިމެޗުގެ ފުރަތަމަ ހާފުގައި ވެލައްސަރުން ހަތަރު ލަނޑުގެ ލީޑެއް ނެގިއިރު، މިހާފުގައި އެޓީމުގެ އަލީ އިމްރާން މުހައްމަދު ވަނީ ތިން ލަނޑު ކާމިޔާބުކޮށް ހެޓްރިކް ހަދާފައެވެ. އަދި މިހާފުގައި އެޓީމުން ކާމިޔާބުކުރި ހަތަރުވަނަ ލަނޑު ފުރަތަމަ ހާފުގެ 19 ވަނަ މިނެޓުގައި ކާމިޔާބުކޮށްދިނީ އަހުމަދު ސަމާހް އިބްރާހިމް އެވެ. މިއާއެކު ފުރަތަަމަ ހާފުގެ ކުޅުން ނިމިގެންދިޔައީ 4-0 ގެ ނަތީޖާއަކުން ވެލައްސަރު ކުރީގައި އޮވެގެންނެވެ.

މެޗުގެ ދެވަަނަ ހާފުގައި ވެލައްސަރުން އިތުރު ފަސް ލަނޑު ކާމިޔާބުކުރިއިރު، މިހާފުގައި އެޓީމުގެ ހުސެއިން އަސްލަމް ދެލަނޑު ކާމިޔާބު ކުރި އިރު، އެޓީމުގެ އިބްރާހިމް އައިހަމް، ޔޫނުސް ޒިޔާން އަބްދުﷲ، އަދި ލަބީބު އަލީ މިއިން ކޮންމެ ކުޅުންތެރިއެއް ވަނީ އެއް ލަނޑު ކާމިޔާބުކޮށްފައެވެ.

މިމެޗުގައި ކޯމޯ ކޮކޯ އިން ކާމިޔާބުކުރި ހަމައެކަނި ލަނޑު ދެވަނަ ހާފުގެ 25 ވަނަ މިނެޓުގައި ކާމިޔާބުކޮށްދިނީ އެޓީމުގެ އަލީ ނަސީރު އެވެ. މިއާއެކު މެޗުގެ ކުޅުން ނިމިގެންދިޔައީ 9-1 ގެ ނަތީޖާއަކުން ވެލައްސަރު ކުރީގައި އޮވެގެންނެވެ. އަދި މިމެޗުގެ މޭން އޮފް ދަ މެޗަކަށް ހޮވުނީ ވެލައްސަރުގެ އަލީ އިމްރާން މުހައްމަދު އެވެ.

މިމެޗުން ލިބުނު ތިން ޕޮއިންޓާއެކު ކުޅުނު ތިން މެޗުން ލިބުނު ތިން ޕޮއިންޓާއެކު ވެލައްސަރުން މުބާރާތް ނިންމާލީ ގުރޫޕް އޭގެ ތިންވަނައިގައެވެ. އަދި މިމެޗުން ބަލިވި ކޯމޯ ކޮކޯ މުބާރާތުގައި ކުޅުނު ތިން މެޗުން ވެސް ބަލިވެފައިވާއިރު، އެޓީމުން މުބާރަތް ނިންމާލީ ގްރޫޕްގެ ފުލުގައި އޮވެއެވެ.