އިންޓަރނޭޝަނަލް އެއިޑް ކެމްޕޭނުގެ ފަރާތުން އަވައްޓެރި އަފްޣާނިސްޠާނަށް އައި ބިންހެލުމުގައި ޙާލުގައި ޖެހި އެހީއަށް ބޭނުންވެފައިވާ ފަރާތްތަކަށް ބަތްޕާރުސަލް ބަހައިފިއެވެ.

އައިއޭސީ އިން ބުނީ އަފްޣާނިސްތާންއަށް އައި ބިންހެލުމުގައި ސަލާމަތްވެ ޙާލުގައި ޖެހިފައިވާ ފަރާތްތަކުގެ އަދަދު އެތައް ހާހަކަށް އަރާކަމަށެވެ. ގެދޮރު ގެއްލުމުގެ ސަބަބުން އެމީހުން ނިދަނީ ހަލާކުވެފައިވާ ގެތަކުގެ ގާކުނޑިތައް މަތީގައި ކަމަށެވެ.

އަފްޣާނިސްޠާނަށް އައި ބިންހެލުމުގެ ސަބަބުން މަރުވި މީހުންގެ އަދަދު ގާތްގަނޑަކަށް 3000 އަށް އަރާ ކަމަށްވެސް އައިއެސީ އިން ބުނެފައިވެއެވެ.

Advertisement

އައިއޭސީ އިން އަފްޣާންގައި އެހީބަހަނީ. ފޮޓޯ: އައިއޭސީ

6.3 ބާރު މިނުގައި އައި ބިންހެލުމުގައި ހާލުގައި ޖެހުނު ފަރާތްތަކަށް ފުރަތަމަ ދުވަހުން ފެށިގެން އައިއޭސީގެ އަފްޣާންނިސްތާން ޓީމުން ދަނީ އެހީ ފޯރުކޮށްދިނުމުގެ މަސައްކަތް ކުރަމުން ކަމަށް އައިއޭސީ އިން ބުނެއެވެ.

މިވަގުތާ ހަމަޔަށް 2500 ބަތްޕާރުސަލް ބެހިފައިވާ ކަމަށާއި އެތަށް ހާސް ބަޔަކަށް މި އެހީ ބެހިފައިވާ ކަމަށް އައިއޭސީ އިން ބުނެފައިވެއެވެ.

އަދި އެމަރްޖެންސީ ހާލަތު ނިމުމުން އަލުން އަނބުރާ ދިރި އުޅުން އިޢާދަ ކުރުމަށް ގެދޮރު ބިނާކުރުން ފަދަކަންކަން ދާނެކަމަށް  ‎އައިއޭސީ އިން ބުނެފައިވެއެވެ.